លេចលឺ អេនឌី ដើរចេញពីជីវិតអ្នកចម្រៀងនៅតាមភោជនីយដ្ឋានជាថ្មីទៀតហើយ

2019-06-05 02:50:51
ព័ត៌មាន

2019-06-05 02:50:51
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រមាណ ២ខែប៉ុណ្ណោះ ដែល ស៊ិន ឧត្ដមផល្លា បានប្រកាសចាកចេញពីការងារច្រៀងនៅភោជនីយដ្ឋានក្នុងស្រុកមួយ ឥឡូវនេះមានដំណឹងថា អេនឌី ក៏បានដកថយពីការងារដូចគ្នានេះដែរ។

ដំណឹងនេះ ធ្លាយចេញពីក្នុងចំណោមភ្ញៀវដែលឧស្សាហ៍ទៅញុំាអាហារនៅភោជនីយដ្ឋាន "ពិភពរាត្រី" ជាទីដែលលោក អេនឌី បានចូលធ្វើជាអ្នកចម្រៀងពេលរាត្រីវិញ ក្រោយពីខកខានប្រមាណ ១០ឆ្នាំ។ ប្រភពបានបង្ហើបថា រូបគេបានកត់សម្គាល់ថា បាត់មុខ អេនឌី តារាចម្រៀងនិយមបទ មរតកដើម មួយរយៈធំមកហើយ។ មិនដឹងថា ការបាត់មុខរបស់ ម្ចាស់បទ "ទីបំផុតទើបដឹងថាគេកុហក" ដោយសារលោកជាប់ធុរៈអ្វី មានជំងឺ ឬក៏ឈប់តែម្ដងនោះឡើយ។

ជុំវិញបញ្ហានេះ លោក អេនឌី បញ្ជាក់ថា ការដែលបាត់មុខលោកពីការងារច្រៀងនៅភោជនីយដ្ឋាននាពេលយប់នេះ មិនមែនមកពីលោកមានជំងឺ ឬមានធុរៈអ្វីឡើយ។ ប៉ុន្តែការពិត គឺលោកបានសម្រេចចិត្ត ឈប់ធ្វើជាតារាចម្រៀងនាពេលរាត្រីនៅទីនោះទៀត។ ចំពោះហេតុផល លោកបញ្ជាក់ថា លោកមិនមានបញ្ហាអ្វីជាមួយថៅកែហាងនោះទេ បញ្ហាគឺដោយសារនឹងកម្លាំងរបស់លោកប៉ុណ្ណោះ។

“និយាយទៅ អត់មានបញ្ហាអីទេបង គឺរត់អត់រួចខ្លួនឯងតែម្ដង ច្រៀងដល់យប់ៗជ្រៅរាល់ថ្ងៃ អត់សូវបានដេកគ្រប់គ្រាន់ ដល់អីចឹងកម្លាំងស៊ូអត់បាន ក៏សម្រេចចិត្តឈប់តែម្ដងទៅ!”។ អេនឌី ថ្លែង។

ប៉ុន្មានខែមុន តារាចម្រៀងដែលអាចច្រៀងបានច្រើនភាសា ស៊ិន ឧត្ដមផល្លា ក៏បានសម្រេចចិត្តឈប់ច្រៀងនៅភោជនីយដ្ឋានខាងលើដែរ ក្នុងនោះហេតុផល គឺដូចគ្នា ដោយសារនាង មានការងារសិល្បៈកាន់តែច្រើន មិនមានពេលសម្រាកគ្រប់គ្រាន់ ខណៈនាងវ័យ ៤១ឆ្នាំទៅហើយ។ ដូច្នេះហើយក៏សម្រេចសុំថៅកែឈប់តែម្ដងទៅ ដើម្បីរក្សាសុខភាពផ្ទាល់ខ្លួន។

ក្នុងហេតុផលដើម្បីសុខភាពនេះដដែល វិលមកលោក អេនឌី វិញ បានបញ្ជាក់ទៀតថា ពេលនេះ លោកក៏បានចូលធ្វើជាតារាចម្រៀងឲ្យផលិតកម្មក្នុងស្រុកមួយផង។ ដូច្នេះហើយ ការដែលលោកសម្រេចច្រៀងឈប់ច្រៀងនៅភោជនីយដ្ឋាន ព្រោះតែលោកចង់ថ្នមរាងកាយ ពិសេសសំឡេងតែម្ដង ព្រោះលោកអះអាងថា ការច្រៀងដល់យប់ៗរាល់ថ្ងៃដូចកាលកន្លងមក គឺប៉ះពាល់ដល់សុខភាពរាងកាយ និងសំឡេង។

បែបនេះហើយ ក្រោយពីឈប់ តារាប្រុសដដែល បន្តថា លោកមានពេលគ្រប់គ្រាន់ ក្នុងការងារសម្រាក និងថែរក្សាសំឡេង ស្របពេលដែលលោក គ្រោងនឹងថតចម្រៀងថ្មីៗចេញលើទីផ្សារបន្ថែមទៀត។ ក្រៅពី អេនឌី តារាចម្រៀងស្រីម្នាក់ទៀត គឺអ្នកនាង ម៉ៅ ស៊ីណាត ក៏មានលេចលឺដំណឹងថា ក៏បានសម្រេចចិត្តឈប់ច្រៀងដូច ជាមួយហេតុផល ដូចតារាចម្រៀង ប្រុស ស្រីខាងលើដែរ៕

អាន៖ មានដំណឹង ព្រាប សុវត្ថិ នាំកូនៗចេញពីទឹកដីលោក ដូណាល់ ត្រាំ ទាំងនៅសល់ចំហាយ

អាន៖ ងាកក្រោយបន្តិច មើល Fashion គូស្នេហ៍ស្អាតៗ ក្នុងមង្គលការ សុគន្ធកញ្

អាន៖ មោទកភាពយ៉ាងណា! សិល្បករខ្មែរ ៣ រូបដល់ថ្នាក់ ស្ថានទូតអាមេរិក លើកសរសើរជាចំហ

អត្ថបទ៖ ទារិកា