- 2019-07-08 02:01:00
- ព័ត៌មាន
ហួសចិត្ត ស៊ិន ឧត្តមផល្លា ភ័យខ្លួន ខ្លាចជួបវាសនាដូចតួកាចក្នុងរឿងល្ខោន
- 2019-07-08 02:01:00
- ចំនួនមតិ 0 | ចំនួនចែករំលែក 0
ហួសចិត្ត ស៊ិន ឧត្តមផល្លា ភ័យខ្លួន ខ្លាចជួបវាសនាដូចតួកាចក្នុងរឿងល្ខោន
ចន្លោះមិនឃើញ
អ្នកមេម៉ាយ ស៊ិន ឧត្តមផល្លា បានពោលថា កាលសម័យមុន តួអង្គកាចក្នុងឈុតសម្ដែងរឿងល្ខោន រមែងជួបរឿងស៊យរឿយៗ ក្រោយសម្ដែងចូលតួខ្លាំង រហូតដល់អ្នកមើលស្អប់មែនទែន ខណៈពេលនេះ នាងកំពុងភ័យខ្លួនក្នុងរឿងដូចគ្នានេះដែរ គឺខ្លាចអ្នកមើលស្អប់ ដូចស្អប់តួកាចក្នុងល្ខោនដែរ។
“កាលសម័យមុន អ្នកធ្លាប់មើលល្ខោនដឹងហើយ ខ្ញុំលឺគេថា ខ្ញុំមិនធ្លាប់មើលទេ គឺថា តួល្ខោនដែលសម្ដែងកាចៗខ្លាំង តែពេលចុះពីលើឆាកវិញ ប្រយ័ត្នខ្លួនទៅ មិនអីចឹង អន់ណាស់ក៏បែកកង់ដែរ ដល់ខ្ញុំឥឡូវខ្លាចតែចឹងដែរទេ ព្រោះជ្រុលលេងមួយរឿងកាចដល់កំពូល(សើច)!"។ ស៊ិន ឧត្តមផល្លា ថ្លែង។
អ្នកមេម៉ាយរូបស្រស់ បញ្ជាក់ថា នាងទើបប្រទះការសម្ដែងកាចលើកដំបូងក្នុងខ្សែភាពយន្តភាគឲ្យស្ថានីយទូរទស្សន៍ PNN គឺរឿង "ភរិយាសម័យថ្មី" ដែលនឹងថតចប់ថ្មីៗ ត្រៀមនឹងដាក់បញ្ចាំងនៅលើកញ្ចក់ទូរទស្សន៍ខាងលើ នាយប់នេះហើយ។ ក្នុងរឿងហ្នឹង នាងបានសម្ដែងតួអង្គឈ្មោះ "ផល្លា" ដូចនឹងឈ្មោះនាងតែម្ដង។
តួអង្គ "ផល្លា" គឺមានចរិតកាច ឆ្នាស់ ពិសពុល រករឿងគេឯងមិនឈប់ តាំងពីដើមដល់ចប់។ ការសម្ដែងក្នុងរឿងនេះ តារាស្រីលុយចូលគ្រប់ច្រករូបនេះ បញ្ជាក់ថា នាងលេងចូលតួដល់កំពូល សូម្បីតែអ្នកដឹកនាំរឿងក៏និយាយដែរ។ "អ្នកដឹកនាំរឿង ក៏គាត់និយាយដែរថា ខ្ញុំលេងរឿងណាស់កាចខ្លាំង និយាយទៅគឺលេងដល់ហ្មង...គឺកាច ឆ្នាស់ រករឿងគេពីដើមដល់ចប់...ដល់តែចឹង ដូចចង់ភ័យខ្លួនដែរហ្នឹងណា! គឺខ្លាចគេស្អប់មែនទែនដូចយក្សល្ខោន ចប់ហ្មង!(សើច)”។
ស្ថាបនិកទំព័រ Movie Star Reseach បញ្ជាក់ថា នាងខ្លាចប្រិយមិត្តចូលតួតាមសាច់រឿង ហើយស្អប់នាងទាំងនៅខាងក្រៅថែមទៀត ព្រោះថាចរិតពិតរបស់នាងនៅខាងក្រៅ គឺមិនកាចឆ្នាស់បែបនោះឡើយ ប៉ុន្តែផ្ទុយទៅវិញ នាងចូលចិត្តយកអាសារអ្នកទន់ទាបទៅវិញ។ ដូច្នេះហើយ ថៅកែហាងលក់គ្រឿងបុណ្យ "ឧត្តម ឧត្តម" ស្នើសុំការយោគយល់ជាមុន ប្រសិនបើការសម្ដែងក្នុងរឿងខាងលើរបស់នាង ពិតជាមើលទៅគួរឲ្យស្អប់ពិតមែន ព្រោះថា វាគ្រាន់តែការសម្ដែងប៉ុណ្ណោះ។
“ភរិយាសម័យថ្មី" គឺជាស្នាដៃថ្មីរបស់ ស៊ិន ឧត្តមផល្លា បន្ទាប់រឿង "រាជនីភូមិគ្រឹះ" របស់ទូរទស្សន៍ហង្សមាស។ បូករួមនឹងភាពយន្តភាគទាំងពីរនេះ សាមី ខ្លួនបញ្ជាក់ថា គឺជារឿងទី ៥ហើយ របស់នាង សម្រាប់ត្រឹមពាក់កណ្ដាលឆ្នាំ ២០១៩ នេះ បន្ថែមពីអាជីពជាតារាចម្រៀងតាម Affair នានា។
យ៉ាងនេះ ក្នុងចំណោមទាំង៥រឿងដែលបានសម្ដែងចប់សព្វគ្រប់នេះ ផល្លា បញ្ជាក់ថា នាងទើបតែដើរតួកាចលើកដំបូងបំផុត គឺកាច កាចខ្លាំង ពិសពុលដល់កម្រិត ដល់ថ្នាក់ភ័យខ្លួនឯងដូច្នេះតែម្ដង៕
