Shawn បញ្ជាក់ដោយបញ្ឆិតបញ្ឆៀងថាមានទំនាក់ទំនងជាមួយ Camila មែន (វីដេអូ)

2019-09-03 09:10:45
ព័ត៌មាន

2019-09-03 09:10:45
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាសុទ្ធតែយល់ថា Shawn Mendes និង Camila Cabello កំពុងមានទំនាក់ទំនងស្នេហានឹងគ្នា ដ្បិតអីមិនទាន់មានការបញ្ជាក់ពីភាគីទាំងសងខាងក្ដី។ ប៉ុន្តែមើលទៅ Shawn ដូចជាបានបញ្ជាក់អំពីទំនាក់ទំនងរបស់ខ្លួន។ នេះបើតាមវីដេអូដែលតារាប្រុសរូបនេះឆ្លើយសំនួររបស់អ្នកគាំទ្រនៅក្រោយឆាក។

ក្រោយពីបញ្ចប់ការសម្ដែងរបស់ខ្លួននៅ Mohegan Sun Arena in Uncasville រដ្ឋ Connecticut សហរដ្ឋអាមេរិកកាលពីថ្ងៃសុក្រ ម្ចាស់បទ "Treat You Better” បានព្រមឆ្លើយសំនួរខ្លះៗរបស់អ្នកគាំទ្រ។ មានអ្នកគាំទ្រម្នាក់បានសួរចំៗថា ៖ "អ្នកធ្លាប់បាននិយាយថាមិនធ្លាប់មានស្នេហា។ តើថ្មីៗនេះមានការផ្លាស់ប្ដូរអ្វីដែរទេ?”។

តារាសញ្ជាតិកាណាដាបានព្យាយាមគេចមិនឆ្លើយនឹងសំនួរនេះ ប៉ុន្តែដូចបានបញ្ជាក់អំពីការបង្កាត់ភ្លើងស្នេហ៍ជាមួយ Camila ដោយបានឆ្លើយថា ៖ "និយាយតាមត្រង់ ខ្ញុំចង់និយាយថា ខ្ញុំចង់និយាយជាមួយអ្នកទាំងអស់គ្នាអំពីរឿងនេះ ប៉ុន្តែមិនមែនតែខ្ញុំតែម្នាក់នោះទេដែលកំពុងមានទំនាក់ទំនងស្នេហា។ មានម្នាក់ទៀតដែលជាប់ទាក់ទង ហើយខ្ញុំមិនអាចនិយាយពីអារម្មណ៍របស់ខ្លួននោះទេ។ ការសម្រេចចិត្តលើរឿងនេះ វាមិនមែនមានតែខ្ញុំម្នាក់នោះទេ”។

តារាវ័យ ២១ ឆ្នាំរូបនេះ បានឆ្លើយតបយ៉ាងផ្អែមល្ហែម និងពោរពេញដោយការគោរពដល់ភាគីម្ខាងទៀត (Camila) ហើយនេះជាការបញ្ជាក់មួយដែលអ្នកគាំទ្ររង់ចាំជាច្រើនខែមកហើយ៕

“Honestly, I wanna say I wanna talk to you guys about this stuff but it’s not just me in the relationship! There’s another peron involved. I can’t say things that I feel... It’s not just me deciding you know?”#ShawnMendesTheTourUncasville pic.twitter.com/xyqP0I3r6h
— Shawn Mendes Updates (@TrackingSM) August 31, 2019