ពិតជាកម្រឃើញ កម្របានស្ដាប់ យូប៊ីន បង្ហើរសំនៀងក្នុងបទ "ដង្ហើមស្នេហ៍" យ៉ាងពីរោះ

2019-09-24 02:01:00
ចម្រៀង

2019-09-24 02:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីវ័យក្មេង អង្រួនបេះដូងហ្វេនៗក្នុងស្រទាប់យុវវ័យនាពេលបច្ចុប្បន្ន និងភាគច្រើនគេឃើញវត្តមានកញ្ញា ចាប់ដៃគូជាមួយនឹងលោក ខាត់ វ៉ៃហាំង នោះ គឺ កញ្ញា យូ ប៊ីន ហាក់ដូចជាកំពុងតែឆក់បានប្រជាប្រិយភាពលើការសម្ដែងក្នុងខ្សែភាពយន្តជាច្រើនរឿង។

សម្រាប់ការងារសិល្បៈក្នុងឆ្នាំ ២០១៩ េនះដែរ នាងតូចស្រីស្រស់រូបនេះ ទទួលបានតំណែងតួឯកថ្មីមួយទៀត ក្នុងរឿងដែលកំពុងធ្វើការចាក់ផ្សាយនៅលើទូរទស្សន៍ភីអិនអិន គឺរឿង "និស្ស័យស្នេហ៍នាងមនោរាហ៍" ។ នៅក្នុងសាច់រឿងនេះ កញ្ញា សម្ដែងជាតួនាងមនោរាហ៍ ដែលជាតួអង្គកម្សត់ រងគ្រោះពីវណ្ណៈគ្រួសារ និងស្នេហាត្រីកោណ ។ មិនតែប៉ុណ្ណោះ ថែមទាំងធ្វើឱ្យអ្នកទស្សនាលន្លង់លន្លោច ទៅតាមបទចម្រៀងមួយបទគឺបទ "ដង្ហើមស្នេហ៍" ដែលច្រៀងរៀបរាប់ពីទុក្ខសោកនារីម្នាក់ ក្នុងរឿងវិបត្តិស្នេហា ហើយបទនេះទៀតសោត កញ្ញាក៏បានបង្ហើរសំនៀងដ៏ស្រទន់នៅក្នុងចម្រៀងមួយបទនេះដែរ។

អ្នកគាំទ្រជាច្រើនដែលពេញចិត្តទៅលើការសម្ដែង និងជាពិសេសរូបសម្រស់របស់តារាស្រី មុខមាត់គួរឱ្យស្រឡាញ់ រាងតូចច្រឡឹងរូបនេះ ពិតជាមានការភ្ញាក់ផ្អើលខ្លាំងដែលបានទាំងទស្សនាការសម្ដែងផង ជាមួយនឹងទឹកដមសំនៀងរបស់កញ្ញាផង។ យ៉ាងណាមិញ ក៏នៅមានឈុតឆាកសាច់រឿងល្អៗមើលបន្តទៀត ដែលក្នុងនោះ កញ្ញា យូ ប៊ីន ហាក់ដូចជាដាក់មនោសញ្ចេតនាយ៉ាងជ្រៅលើការសម្ដែងដើម្បីឱ្យទទួលបានសាច់រឿងមួយដូចជាពិតៗតែម្ដង។

កុំភ្លេច រង់ចាំតាមដានទស្សនាដែលមានការផ្សាយជូនពីថ្ងៃ ព្រហស្បតិ៍ ដល់ថ្ងៃសុក្រ វេលាម៉ោង ០៨ យប់ និងចង់ដឹងថា តើសំឡេងតារាសម្ដែង កញ្ញា យូ ប៊ីន មានសំនៀងពីរោះយ៉ាងណានោះ សូមទស្សនា និងស្ដាប់ទាំងអស់គ្នា។

សូមទស្សនាការបកស្រាយបទ "ដង្ហើមស្នេហ៍" ដោយ យូប៊ីន តាមវីដេអូខាងក្រោម៖

អត្ថបទ៖ ទារិកា