- 2019-12-09 08:16:19
- ចម្រៀង
បេក្ខនារីគ្រុឌកាកីច្រៀងបទ “ឈឺចាប់ពីរដងបានហើយ” ធ្វើឲ្យនឹកស្រណោះដល់ម្ចាស់បទ សាន ស្រីឡៃ
- 2019-12-09 08:16:19
- ចំនួនមតិ 0 | ចំនួនចែករំលែក 0
បេក្ខនារីគ្រុឌកាកីច្រៀងបទ “ឈឺចាប់ពីរដងបានហើយ” ធ្វើឲ្យនឹកស្រណោះដល់ម្ចាស់បទ សាន ស្រីឡៃ
ចន្លោះមិនឃើញ
កម្មវិធីប្រឡងចម្រៀងសម័យឌីជីថល ប្លែកពីគេ The Mask Singer Cambodia ដែលឧបត្ថម្ភផ្ដាច់មុខដោយក្រុមហ៊ុនទូរសព្ទដៃ OPPO ជាពិសេសគឺទូរសព្ទស៊េរីថ្មី OPPO Reno2, OPPO Reno2 F កំពុងទាក់ទាញ អ្នកចូលរួមទស្សនារាប់ម៉ឺននាក់ តាមរយៈកញ្ចក់ទូរទស្សន៍ ហង្សមាស HDTV និងការ Live លើផេកផ្លូវការរបស់ក្រុមហ៊ុន OPPO ផងដែរ។
ពីមួយសប្តាហ៍ទៅមួយសប្តាហ៍ ទឹកដមសំនៀង និងស្ទីលនៃការតុបតែងខ្លួន របស់កំពូលបេក្ខជនអ្នកចម្រៀងរបាំងមុខ កាន់តែពិសេស រួមជាមួយនឹងការលេងសើច បែបកំប្លុកកំប្លែងរបស់ពិធីករ ពិធីការិនី និង គណៈកម្មការពហុជំនាញនានា បានញុំាងឲ្យបរិយាកាសនៃកម្មវិធី The Mask Singer Cambodia ទាំងមូល កាន់តែសប្បាយរីករាយ សើចចុកពោះស្ទើតែគ្រប់សប្តាហ៍។
ដោយឡែកនៅវគ្គដំបូង សម្រាប់សប្តាហ៍ទី ៤ កាលពីយប់ថ្ងៃទី ៧ ធ្នូ ២០១៩ នេះ កំពូលបេក្ខជនអ្នកចម្រៀងរបាំងមុខ គ្រុឌកាកីបានលើកយកបទចម្រៀងរបស់ អ្នកនាង សាន ស្រីឡៃ (ដែលបានចែកឋានទៅហើយនោះ) ចំណងជើងថា “ឈឺចាប់ពីរដងបានហើយ” មកបកស្រាយ យ៉ាងពិរោះរណ្តំចិត្តមិនធម្មតា ឡើងព្រឺសម្បុរនឹកដល់ម្ចាស់បទគ្រប់ៗគ្នា រហូតធ្វើឲ្យគណៈកម្មការទាំង ៥ រូប រួមទាំងទស្សនិកជន កោតសរសើរមិនដាច់ពីមាត់ រហូតអាចឈ្នះការប្រកួត។ ដើម្បីជ្រាបឲ្យកាន់តែច្បាស់ សូមប្រិយមិត្តរីករាយទស្សនាវីដេអូខាងក្រោមនេះ ៖
ទន្ទឹមនឹងនេះ កំពូលបេក្ខជនអ្នកចម្រៀងកំបាំងមុខ ដែលកំពុងលេចធ្លោ នឹងអាចបន្តទៅកាន់វគ្គពាក់កណ្តាលផ្ដាច់ព្រ័ត្រដូចគ្រុឌកាកីនោះគឺ ស្វាទេព បើចង់ដឹងច្បាស់សូមទស្សនាដូចតទៅ ៖
កម្មវិធីប្រឡងចម្រៀងបែប Digital ដោយពាក់របាំងមុខ “The Mask Singer Cambodia” ដែលឧបត្ថម្ភ ផ្តាច់មុខដោយក្រុមហ៊ុនទូរសព្ទOPPO (OPPO Reno2, OPPO Reno2 F កាមេរ៉ា4 Zoom ទៅកាន់ក្តីស្រមៃ) គឺតម្រូវឲ្យបេក្ខជនទាំងអស់ធ្វើការបិតរបាំងមុខ ទៅតាមស្ទីលរបស់ពួកគេរៀងៗខ្លួន និងធ្វើការបង្ហាញសមត្ថភាពពិត សម្លេងពិតរបស់ពួកគេនៅលើឆាកតន្រ្តីដ៏ធំសម្បើមខ្នាតអន្តរជាតិ ផ្សាយផ្ទាល់ លើកដំបូងលើកញ្ចក់ទូរទស្សន៍ហង្សមាស HDTV កាលពីថ្ងៃសៅរ៍ ទី ១៦ វិច្ឆិកា ២០១៩។ ចំពោះជ័យលាភីដែលឈ្នះចុងក្រោយបំផុត នឹងទទួលបានទឹកប្រាក់សុទ្ធ ១០០ លានរៀល ស្មើនឹងប្រមាណជា ២ម៉ឺន៥ពាន់ដុល្លារអាមេរិក៕
