- 2020-01-22 08:26:27
- ចម្រៀង
ខានស្ដាប់យូរហើយ បទល្បីក្នុងរឿង "ប៉ាវចិន" ឥឡូវ អេនឌី យកមកច្រៀងឡើងវិញស្វាគមន៍ចូលឆ្នាំចិន
- 2020-01-22 08:26:27
- ចំនួនមតិ 0 | ចំនួនចែករំលែក 0
ខានស្ដាប់យូរហើយ បទល្បីក្នុងរឿង "ប៉ាវចិន" ឥឡូវ អេនឌី យកមកច្រៀងឡើងវិញស្វាគមន៍ចូលឆ្នាំចិន
ចន្លោះមិនឃើញ
សម្រាប់ប្រិយមិត្តដែលធ្លាប់ជាអ្នកតាមដានរឿង "តុលាការមុខដែក" ប្រាកដជាស្គាល់ និងធ្លាប់បានស្ដាប់ចម្រៀងមួយបទ ដែលត្រូវជ្រើសសម្រាប់ជាក់បើកក្បាលនៃរឿងនេះ នោះគឺបទ "ផ្ការោយមុនរដូវ" ច្រៀងដោយតារាចម្រៀងជើងចាស់ នូ ស៊ឹប។
គិតមកដល់ឥឡូវ រយៈពេលជាង១០ឆ្នាំហើយ ដែលប៉ាវចិនធៀនបានឃ្លាតឆ្ងាយពីអារម្មណ៍ប្រិយមិត្ត ហើយបទចម្រៀងមួយបទដ៏ពេញនិយមខាងលើ ក៏ឃ្លាតឆ្ងាយទៅជាមួយគ្នាដែរ ដោយចូលមកជំនួសដោយបទចម្រៀងសម្រាប់យុវវ័យតាមសម័យកាល រាប់ពាន់ម៉ឺនបទ។
យ៉ាងណា នៅពេលនេះ បទចម្រៀង ល្បីកាលពីជាង១ទសវត្សមុនបានវិលមកបង្ហាញខ្លួនបម្រើអារម្មណ៍ជាថ្មី ក្រោយពេលដែលលោកបាន អេនឌី បានលើកយកមកច្រៀងឡើងវិញ (Cover) ទុកជាចំណងដៃស្វាគមន៍បុណ្យចូលឆ្នាំចិនដែលនឹងមកដល់នៅថ្ងៃខានស្អែកនេះ។ អេនឌី បានច្រៀង និងថតជាវីដេអូចម្រៀង ដោយសម្ដែងរួមគ្នាជាមួយនឹងកញ្ញា ពេជ្រ អាវីហ្សា ដែលល្បីសាច់សខ្ចីផង។
មិនត្រឹមបទ "ផ្ការោយមុនរដូវ" អេនឌី និង អាវីហ្សា ក៏មានចំណងដៃរួមគ្នាមួយទៀតក្នុងបទ "ស្នេហ៍ផ្អែមដូចទឹកឃ្មុំ" ដែលលោកច្រៀង Cover របស់ម្ចាស់បទដើម ម៉េង កែវពេជ្ជតា ផង។ តោះ...ទស្សនា និងស្ដាប់បទទាំងពីរបទទាំងអស់គ្នា!
