- 2020-02-12 02:56:32
- ព័ត៌មាន
តារាចម្រៀងខ្មែរពីរដួង ត្រៀមកើបលុយលើទឹកដីអាមេរិក
- 2020-02-12 02:56:32
- ចំនួនមតិ 0 | ចំនួនចែករំលែក 0
តារាចម្រៀងខ្មែរពីរដួង ត្រៀមកើបលុយលើទឹកដីអាមេរិក
ចន្លោះមិនឃើញ
តារាចម្រៀងខ្មែរពីរដួង គឺលោក មាស សាលី និងកញ្ញា ពៅ សំណាង ត្រៀមកើបលុយនៅលើទឹកដីសហរដ្ឋអាមេរិក តាមរយៈការច្រៀងរបស់ខ្លួននៅថ្ងៃទី១៤ និងថ្ងៃទី១៥ ខែកុម្ភៈ ចំថ្ងៃដែលខ្មែររស់នៅសហរដ្ឋអាមេរិកអបអរទិវា នៃក្ដីស្រឡាញ់។
លោក មាស សាលី បានអំពាវនាវតាមរយៈបណ្ដាញសង្គមហ្វេសប៊ុករបស់ខ្លួនទៅអ្នកគាំទ្រ និងអានិកជនខ្មែររស់នៅក្នុងរដ្ឋកាលីហ្វូញ៉ាទាំងអស់ ឲ្យចូលរួមច្រៀង និងរាំលេងសប្បាយទាំងអស់គ្នា។
លោក មាស សាលី៖ " នៅក្នុងឱកាសនោះខ្ញុំនឹងច្រៀងចម្រៀងថ្មីៗរបស់ខ្ញុំជាច្រើនបទ ដែលមានបទកន្ទ្រឹម រាំវង់ ឡាំលាវ និងបទរាំវង់ប្រពៃណីខ្មែរជាច្រើនទៀត។ អីចឹងសូមបងប្អូនពុកម៉ែ អ៊ុំពូមីងទាំងអស់ចូលរួមសប្បាយរីករាយទាំងអស់គ្នា"។
បើតាមខិត្ដប័ណ្ណផ្សព្វផ្សាយ នៃការប្រគុំតន្ដ្រីនេះ។ លោក មាស សាលី និងកញ្ញា ពៅ សំណាង ដែលជាតារាចម្រៀងទើបរះក្នុងវិស័យសិល្បៈកម្ពុជា ត្រូវច្រៀងនៅក្នុងភោជនីដ្ឋានLEGEN ក្នុងទីក្រុង Long beachនៅថ្ងៃទី១៤ ខែកុម្ភៈ ហើយនៅថ្ងៃទី១៥ ខែកុម្ភៈ ច្រៀងនៅភោជនីដ្ឋានPACIFIC ទីក្រុងStocton សហរដ្ឋអាមេរិក។ រីឯតម្លៃសំបុត្រចូលរួមទស្សនា និងរាំលេងកម្សាន្ដវិញ មានចន្លោះពី២០ ទៅ២៥ដុល្លារ៕
