- 2020-04-10 06:57:25
- ចម្រៀង
ឆ្នាំមុនល្បី “ឆ្កែ” ឆ្នាំនេះ "ចាប" ឥឡូវចេញមួយបទទៀតហើយ រសជាតិស្ទើរប្រហាក់ប្រហែលគ្នា
- 2020-04-10 06:57:25
- ចំនួនមតិ 0 | ចំនួនចែករំលែក 0
ឆ្នាំមុនល្បី “ឆ្កែ” ឆ្នាំនេះ "ចាប" ឥឡូវចេញមួយបទទៀតហើយ រសជាតិស្ទើរប្រហាក់ប្រហែលគ្នា
ចន្លោះមិនឃើញ
កាលពី១ឆ្នាំមុន "ឆ្កែ" ឬ "សុនខ" ល្បីសម្បើម ក្រោយពីផលិតកម្មក្នុងស្រុកមួយចំនួន បានលើកយកសត្វចិញ្ចឹមមួយនេះ មកធ្វើជាឆ្អឹងនៃខ្លឹមសារបទរបស់ខ្លួន ប៉ុន្តែដោយឡែកឆ្នាំ ដល់វេន "ចាប" ម្ដងហើយ។
នៅមុននេះបទ "ចាបយំល្វើយៗ" ដែលច្រៀងដោយតារាចម្រៀង ចាន់ មករា បានធ្វើឲ្យមានការពេញនិយមស្ទើរគ្រប់ទិសទី មិនថាកន្លែងជួបជុំគ្នាពិសាអាហារ កន្លែងហាត់ប្រាណ ឬពិធីផ្សេងៗ។ ដោយសារតែបែបនេះ គិតមកត្រឹមថ្ងៃទី ១០ មេសា នេះ វីដេអូចម្រៀងខាងលើទទួលបានចំនួនចុចចូលទស្សនា និងស្ដាប់ដល់ទៅជាង ៣០លានដងទៅហើយ។
ឥឡូវនេះទៀត មានបទថ្មីមួយបទទៀតទើបចេញដោយយុវជនមួយក្រុម គឺនិយាយពី "ចាប" ដែរ។ បទនោះមានចំណងជើងថា "បាញ់ចាប" ច្រៀងដោយ Abel Maurer ដោយនៅក្នុងវីដេអូចម្រៀងនេះ បានផ្ដិតយកទិដ្ឋភាពវាលស្រែនាជនបទមកបង្ហាញជូនយ៉ាងត្រជាក់ភ្នែកផង។ ប្រសិនបើស្ដាប់យកចិត្តទុកដាក់បន្តិចបទ "បាញ់ចាប" ហាក់ឆ្លើយតបទៅនឹងបទ "ចាបយំល្វើយៗ" ព្រោះថា បានជាចាបកម្សត់ ត្រូវគេប្រមាញ់ ក៏ព្រោះតែយំតម្លង់គេពេញភូមិនោះឯង។
តោះ...ស្ដាប់ទាំងអស់គ្នា!
