- 2020-05-07 09:02:22
- ព័ត៌មាន
រសៀលនេះ ស្រីស្អាត លីកា បញ្ចេញដំណឹងផ្ទាល់ខ្លួនមួយ កំពុងធ្វើឲ្យអ្នកគាំទ្រជ្រួលច្របល់
- 2020-05-07 09:02:22
- ចំនួនមតិ 0 | ចំនួនចែករំលែក 0
រសៀលនេះ ស្រីស្អាត លីកា បញ្ចេញដំណឹងផ្ទាល់ខ្លួនមួយ កំពុងធ្វើឲ្យអ្នកគាំទ្រជ្រួលច្របល់
ចន្លោះមិនឃើញ
ស្រីស្អាតសមាជិក OMG កញ្ញា តែ ស៊ុនសុដាលីកា ហៅ លីកា ដែលធ្លាប់តែឃើញរូបភាពស្អាតៗសប្បាយនោះ ឥឡូវរសៀលនេះ បានបញ្ចេញដំណឹងផ្ទាល់ខ្លួនមួយដោយបាន និងកំពុងធ្វើឲ្យប្រិយមិត្ត ក៏ដូចជាអ្នកគាំទ្ររបស់នាងកំពុងជ្រួលច្របល់។
លីកា បានបញ្ចេញពីបញ្ហាសុខភាពរបស់នាង ដែលថា ពេលនេះនាង បាន និងកំពុងមានបញ្ហាសុខភាព មិនអាចធ្វើអ្វីបានទេ។ "ថ្ងៃនេះខ្ញុំមានរឿងចង់ប្រាប់អ្នកទាំងអស់គ្នា ស្ថានភាពខ្ញុំឥលូវនេះកំពុងសម្រាកព្យាបាលនៅមន្ទីរពេទ្យ ដោយអាការៈមិនអាចធ្វើចលនាច្រើនបានទេ"។ ដំណឹងនេះ បាន និងកំពុងធ្វើឲ្យអ្នកគាំទ្ររបស់នាងមានការព្រួយបារម្ភ និងចូលមកផ្ញើសារជូនពរតារាស្រីគ្រប់គ្នា។
មកទល់នឹងពេលនេះ មិនទាន់មានដំណឹងពីអាការរបស់ លីកា កើតអ្វីឲ្យនៅឡើយនោះទេ។ ប៉ុន្តែសាមីខ្លួនបានបញ្ជាក់ថា ស្ថានភាពរបស់នាង គឺត្រូវការពេលវេលាច្រើនក្នុងការព្យាបាល ដោយមិនទាន់ច្បាស់នៅឡើយថា នឹងអាចវិលមកប្រក្រតីវិញនៅពេលនោះទេ។ ដូច្នេះហើយ នាងស្នើសុំការយោគយល់ចំពោះសកម្មភាពការងារទាំងឡាយណា ដែលបានព្រមព្រៀងគ្នា និងការងារផ្សេងទៀតដែលកើតឡើងនៅចន្លោះពេលនេះ។
លីកា ថ្លែងថា "ការព្យាបាលនេះនឹងមានរយៈពេលវែង ដើម្បីឲ្យស្ថានភាព ប្រសើរឡើងវិញ ។ ដូចនេះហើយសម្រាប់ការងារដែល បានទាក់ទងមក សូមអធ្យាស្រ័យ និងយោគយល់ពីបញ្ហាផ្ទាល់ខ្លួនរបស់ខ្ញុំផង!”។
នេះជាលើកទី១ ដែលស្រីស្អាតមានទេពកោសល្យខាងចង្វាក់ k-pop បញ្ចេញឲ្យដឹងថានាងមានបញ្ហាសុខភាពរហូតដល់ត្រូវសម្រាកពេទ្យរយៈពេលយូរបែបនេះ ខណៈកន្លងមក លីកា រមែងបញ្ចេញឲ្យឃើញពីសកម្មភាពសិល្បៈ និងសកម្មភាពសប្បាយៗប្រចាំថ្ងៃរបស់នាង៕
