- 2020-05-21 04:39:05
- ព័ត៌មាន
ដំបូងនាំគ្នាចោទថា រឿងចិននេះថតតាម «ម្ចាស់ព្រះអាទិត្យ» ដល់ដឹងការពិតបានគាំង
- 2020-05-21 04:39:05
- ចំនួនមតិ 0 | ចំនួនចែករំលែក 0
ដំបូងនាំគ្នាចោទថា រឿងចិននេះថតតាម «ម្ចាស់ព្រះអាទិត្យ» ដល់ដឹងការពិតបានគាំង
ចន្លោះមិនឃើញ
រឿងភាគចិត្តដែលមានចំណងជើងថា «Dear Uniform» ជារឿងភាគដែលមានមហាជនជាច្រើននាក់នាំគ្នាយល់ច្រឡំថា បានយកលំនាតាមរឿង «Descendant Of The Sun» ឬ «ម្ចាស់ព្រះអាទិត្យ» មកផលិតឡើងវិញ ប៉ុន្តែតាមពិតនេះជារឿងផលិតថ្មីសុទ្ធសាធមិនមានចម្លងដូចពាក្យចចាមអារ៉ាមនោះទេ។
ភាពយន្តភាគថ្មីនេះដែរ ត្រូវបានលើកយកមកថត ផ្អែកតាមប្រលោមលោករបស់អ្នកនិពន្ធ Zhe Zhi Ma Yi។ «Dear Uniform» សម្ដែងដោយ Huang Jing Yu (ដើរតួជាមន្ត្រីក្នុងជួរទ័ព) និង Li Qin (ដើរតួជាពេទ្យក្នុងជួរទ័ព)។
មួយវិញទៀតយោងតាមសាច់រឿង តួឯកប្រុសជាមនុស្សដែលងប់ងល់នឹងការងារ មិនមានពេលខ្វល់រឿងស្នេហាជ្រុលនោះទេ ស្របពេលតួឯកស្រី ជាអ្នកធ្លាប់រងនូវការឈឺចាប់ដោយសាររឿងស្នេហាកាលពីមុន ហើយនាងក៏ជាកូនស្រីសំណព្វក្នុងគ្រួសារដែលមានទ្រព្យសម្បត្តិស្ដុកស្ដម្ភដែរ ប៉ុន្តែនាងមិនរស់ពឹងផ្អែកលើទ្រព្យរបស់ឪពុកម្ដាយទេ ព្រោះចង់រៀនរស់ដោយខ្លួនឯង។
ងាកមករឿង «ម្ចាស់ព្រះអាទិត្យ» វិញ ច្បាស់ណាស់មានប្រទេសជាច្រើន បានទិញសិទ្ធិយកទៅផលិតឡើងវិញដូចជា ហ្វីលីពីន រៀតណាម ចិនជាដើម។ ហេតុនេះទើបពេល «Dear Uniform» ប្រកាសចេញបញ្ចាំង មហាជនមួយចំនួនគិតថាវាជារឿងដែលយកតាមរឿងកូរ៉េ។ មួយវិញទៀតក៏ដោយសារ ផ្នែកខ្លះនៃសាច់រឿងស្រដៀងគ្នា ឧទាហរណ៍ដូចជាតួប្រុសដែលជាទាហាន លង់ស្រឡាញ់តួស្រីដែលជាពេទ្យវះកាត់៕
