- 2020-06-05 03:07:53
- ព័ត៌មាន
ក្រុមអ្នកចូលចិត្តសិល្បៈម៉ូដ រៀបចំប្រកាសស្នាដៃសិល្បៈរបស់កូនខ្មែរកាត់ហូឡង់
- 2020-06-05 03:07:53
- ចំនួនមតិ 0 | ចំនួនចែករំលែក 0
ក្រុមអ្នកចូលចិត្តសិល្បៈម៉ូដ រៀបចំប្រកាសស្នាដៃសិល្បៈរបស់កូនខ្មែរកាត់ហូឡង់
ចន្លោះមិនឃើញ
Perfect 10 ដែលគេស្គាល់ថាជា ក្រុមម៉ូដែលថ្មីមួយដែលប្រមូលផ្ដុំដោយតារាម៉ូដែលវ័យក្មេង និងស្រស់ស្អាតជាច្រើននោះ បានផ្ដួចផ្ដើមរៀបចំកម្មវិធីសិល្បៈដើរម៉ូដនៅថ្ងៃស្អែក ជាមួយនឹងការប្រកាសផលិតផលសិល្បៈស្នាដៃរបស់កូនខ្មែរ កាត់ហូឡង់មួយរូប។
ផលិតផលស្នាដៃសិល្បៈនោះ គឺអាវយឺត ដែលមានស្នាដៃសិល្បៈថា "The Roots of Khmer Beauty” ច្នៃដោយលោក Cheerted Keo កូនខ្មែរកាត់ហូឡង់។ លោក Phatry Derek Pan ប្រធានក្រុម Perfect 10 និងជាអ្នកផ្ដួចផ្ដើមគំនិត បានបញ្ជាក់ឲ្យដឹងថា ក្នុងកម្មវិធីពិសេសនេះ អាវយឺតដែលបង្កប់ដោយស្នាដៃសិល្បៈដ៏ល្អឯកចំនួន ១៥០អាវនឹងត្រូវចែកជូនដល់អ្នកចូលរួមដោយឥតគិតថ្លៃ។
លោកថា អាចយឺត "The Roots of Khmer Beauty” គឺមិនសម្រាប់លក់យកកម្រៃនោះទេ ប៉ុន្តែស្នាដៃសិល្បៈនេះ គឺជាឧទ្ទិសទៅដល់ភាពស្រស់ស្អាតរបស់ខ្មែរ។ អមការប្រកាសពីផលិតផលសិល្បៈច្នៃដោយកូនខ្មែរ-ហូឡង់នេះ កម្មវិធីកម្សាន្តជាច្រើនទៀត ក៏នឹងត្រូវរៀបចំជូនភ្ញៀវកិត្តិយសបានទស្សនា និងកម្សាន្តអារម្មណ៍ផងដែរ។
បើតាមអ្នករៀបចំ កម្មវិធីបន្ថែមនឹងមានដូចជា ការដើរម៉ូដរបស់សមាជិកក្រុម Perfect 10 ដ៏ស្រស់ស្អាត និងមានទេពកោសល្យ។ ការបង្ហាញសមត្ថភាពច្រៀងចម្រៀងរបស់ម៉ូដែល២រូបរបស់ក្រុមម៉ូដែលខាងលើ Usha និង Clara ។ បន្តមកទៀតមានកម្មវិធី បង្ហាញសមត្ថភាពរាំរបស់សមាជិក Perfect 10 ២រូប គឺ Muniroth and Kim Phor។ កម្មវិធី ផ្សាយផ្ទាល់ពីសិល្បៈគូររូបរបស់ Perfect 10 models គឺ Patrick, Srey Pech, Usha និង Abbasse។
ក្រៅពីនេះ ក៏មានការកំដរអារម្មណ៍ដោយ Dj Marie Thach ទៀតផង។ តាមកម្មវិធីដែលបានគ្រោង រាត្រីនៃ "The Roots of Khmer Beauty” នឹងប្រារព្ធធ្វើឡើងនៅ Grand River Restaurant មាត់ទន្លេ តាមបណ្ដោយផ្លូវព្រះស៊ីសុវត្ថិ។ ការចូលរួមបើកចំហដោយសេរី ក្នុងនោះកម្មវិធីនឹងចាប់ផ្ដើមពីម៉ោង ៧យប់តទៅ។
លោក Phatry Derek Pan បានព្យាករណ៍ថា កម្មវិធីនេះនឹងមាន សិល្បករ តារាម៉ូដែល និងបុគ្គលល្បីឈ្មោះនៅលើបណ្ដាញសង្គម (Influencer) ជាច្រើននាក់នឹងចូលរួម៕
