- 2020-07-24 02:41:26
- ព័ត៌មាន
អាសូរណាស់! ក្មួយស្រីដ៏ស្រស់ស្អាតរបស់ ម៉ាដូណា ត្រូវរថយន្តបុករបួសធ្ងន់ធ្ងរ
- 2020-07-24 02:41:26
- ចំនួនមតិ 0 | ចំនួនចែករំលែក 0
អាសូរណាស់! ក្មួយស្រីដ៏ស្រស់ស្អាតរបស់ ម៉ាដូណា ត្រូវរថយន្តបុករបួសធ្ងន់ធ្ងរ
ចន្លោះមិនឃើញ
ម៉ាដូណា និងក្រុមគ្រួសារកំពុងកើតទុក្ខ ក្រោយពីក្មួយស្រីដ៏ស្រស់ស្អាតរបស់ខ្លួនដែលជាតារាម៉ូដែលមួយរូបដែរនោះ បានជួបគ្រោះថ្នាក់ចរាចរណ៍ ដោយត្រូវរថយន្តមួយគ្រឿងបើកបុកធ្វើឲ្យរបួសធ្ងន់ធ្ងរ។
ហេតុការណ៍បានកើតឡើងកាលពីយប់ថ្ងៃទី ២២ នៅម្ដុំផ្សារធំថ្មី។ តាម ម៉ាដូណា បានឲ្យដឹងថា ក្មួយស្រីរបស់លោក គឺជាតារាម៉ូដែលមួយរូប ហើយនៅយប់កើតហេតុ គឺក្មួយស្រីរូបនេះ រួមជាមួយមិត្តភ័ក្តិម្នាក់ បានធ្វើដំណើរដោយម៉ូតូមួយគ្រឿងមកពីហាត់ដើរម៉ូដ និងបានឆៀងទៅញុំាអី ហើយក៏ជួបហេតុការណ៍អាក្រក់តែម្ដង។ ក្រោយកើតហេតុ អ្នករួមដំណើរជាមួយ រងរបួសស្រាល ឯក្មួយស្រីលោកដែលមានឈ្មោះថា ឃីណា រីយ៉ា ហៅអារីយ៉ា អាយុ ២០ឆ្នាំ រងរបួសធ្ងន់ ត្រូវបញ្ជូនភ្លាមៗមកមន្ទីរកាល់ម៉ែត្រ។
ចំពោះស្ថានភាពរបួសជាក់ស្ដែងផ្ដល់ដោយគ្រូពេទ្យ ម៉ាដូណា ប្រាប់ថា ក្មួយស្រី មានរបួសពកធំៗ២កន្លែងលើក្បាល ប្រេះថ្លើម និងមានឈាមកកថែមទៀត។ គិតមកត្រឹមរសៀលថ្ងៃទី២៣ ម្សិលមិញ ក្មួយស្រីរូបនេះ មិនទាន់អាចផ្ដល់ព័ត៌មាននៅឡើយ ដោយសារនៅរវើរវាយ ហើយគ្រូពេទ្យនៅបន្តតាមដានបន្ថែមទៀត។
ចំពោះរថយន្តបង្កគ្រោះថ្នាក់មកលើក្មួយស្រី ម៉ាដូណា និងមិត្តម្នាក់ទៀតនេះ មិនដឹងថាម៉ាកអ្វី ពណ៌អ្វី ហើយហេតុការណ៍ជាក់លាក់យ៉ាងណា លោកមិនទាន់ទទួលបានព័ត៌មានច្បាស់នោះទេ។ តារាកំប្លែងមានប្រជាប្រិយ លើកឡើងថា អ្វីៗនៅមិនទាន់យកជាការ ដោយសារតែក្មួយស្រីលោក មិនទាន់អាចផ្ដល់ព័ត៌មានច្បាស់លាស់បាន។
យ៉ាងណាក៏ដោយ លោក ម៉ាដូណា ស្នើឲ្យរថយន្តបង្កគ្រោះថ្នាក់មកលើក្មួយស្រីលោក ចូលខ្លួនមកដោះស្រាយជាមួយក្រុមគ្រួសារអ្នករងគ្រោះមុនពេលលោកអាចរកឃើញអត្តសញ្ញាណ ហើយបង្ហោះនៅលើបណ្ដាញសង្គមជាសាធារណៈ។ លោកឲ្យដឹងបន្ថែមថា ក្រោយពីច្បាស់ពីទីកន្លែងកើតហេតុ លោកនឹងស្នើសុំវីដេអូពីកាមេរ៉ាសុវត្ថិភាពរបស់បងប្អូនជាម្ចាស់គេហដ្ឋាន ឬហាងនានាដែលនៅជិតៗនោះ មើល។
ប្រសិនបើលោករកបានវីដេអូភស្តុតាងនោះ លោកនឹងបង្ហោះបកអាក្រាតពីអត្តសញ្ញាណអ្នកបង្កនៅលើបណ្ដាញសង្គមហ្វេសប៊ុក ដើម្បីស្វែងរកការអន្តរាគមន៍ពីសមត្ថកិច្ចពាក់ព័ន្ធ ប្រសិនណា អ្នកបើករថយន្តបង្ករូបនោះ មិនបានចូលខ្លួនមកទទួលខុសត្រូវលើរឿងកើតឡើងចំពោះក្មួយស្រីរបស់លោកជាមុនទេនោះ៕
