- 2020-07-28 07:40:58
- ព័ត៌មាន
នៅថ្ងៃនេះ វង្ស ថាណាន់ ស្រាប់តែលេចមុខក្លាយជាតារាចម្រៀងផ្លូវការរបស់ Galaxy ហើយ!
- 2020-07-28 07:40:58
- ចំនួនមតិ 0 | ចំនួនចែករំលែក 0
នៅថ្ងៃនេះ វង្ស ថាណាន់ ស្រាប់តែលេចមុខក្លាយជាតារាចម្រៀងផ្លូវការរបស់ Galaxy ហើយ!
ចន្លោះមិនឃើញ
តារាចម្រៀងវ័យក្មេង មានទឹកដមសំឡេងល្អក្រអួនក្រអៅ លោក វង្ស ថាណាន់ នៅថ្ងៃនេះ បានសម្រេចសមិទ្ធផលធំមួយ ពោលគឺលោកបានវិវត្តពីតារាចម្រៀងឯករាជ្យ មកជាតារាចម្រៀងអាជីពមានកុងត្រាជាមួយផលិតកម្ម Galaxy Navatra គួរឲ្យភ្ញាក់ផ្អើល។
ដំណឹងនេះ ទើបបានបែកធ្លាយបន្ទាប់ពីលោកទើបបានចេញបទចម្រៀងទី១របស់លោកថ្មីៗនៅក្នុងផលិតកម្មខាងលើ ខណៈពីមុនមកលោក ថាណាន់ មិនដែលឲ្យតម្រុយណាមួយដល់អ្នកគាំទ្រសោះ។ បទថ្មីរបស់តារាចម្រៀងមានទឹកដមសំឡេងខ្ពស់ លះល្អរូបនេះមានចំណងជើងថា "ស្នេហ៍ក្រៅផ្លូវការ"។បទនេះ ទើបនឹងចេញផ្លូវការកាលពីថ្ងៃម្សិលមិញនៅលើប្រព័ន្ធយូធូប ធ្វើឲ្យប្រិយមិត្តអ្នកគាំទ្ររបស់លោកមានការភ្ញាក់ផ្អើលតែម្ដង។
ប្រិយមិត្តរបស់លោកជាច្រើនបានពោលដោយការភ្ញាក់ផ្អើល ថា ទីបំផុតតារាចម្រៀងក្នុងដួងចិត្តរបស់ពួកគេរកទ្រនំធំដើម្បីជ្រកបានហើយ។ ដោយឡែកអ្នកខ្លះទៀត ក៏បានចូលមកសរសេរសារអបអរសាទរចំពោះតារាចម្រៀងវ័យក្មេងរូបនេះ ដោយសារតែពួកគេដឹងថា វង្ស ថាណាន់ បានតស៊ូណាស់ប៉ុន្មានឆ្នាំមកនេះ ពោលគឺខ្លួនទីពឹងខ្លួន ព្រោះលោកជាតារាចម្រៀងឯករាជ្យ មិនធ្លាប់ជ្រកក្រោមផលិតកម្មណាពីមុនមកនោះទេ។
ជុំវិញបញ្ហានេះ សាមីខ្លួនមិនទាន់អាចសុំការអធិប្បាយបន្ថែមបាននៅឡើយទេ។ ប៉ុន្តែនាយកគ្រប់គ្រងផលិតកម្ម Galaxy បានឆ្លើយប្រាប់តាមសារអេឡិចត្រូនិកថា ថាណាន់ ពិតជាបានក្លាយជាតារាចម្រៀងអាជីពរបស់ផលិតកម្មលោកជាផ្លូវការនាពេលនេះ។ លោកថា ភាគីទាំងពីរបានព្រមព្រៀងលក្ខខណ្ឌការងារជាមួយគ្នាយូរដែរហើយ ប៉ុន្តែលោកមិនបានបញ្ចេញឲ្យទស្សនិកជនដឹង។
លោក បញ្ជាក់ថា លោកចង់ទុកដំណឹងនេះ ដើម្បីឲ្យអ្នកគាំទ្ររបស់ផលិតកម្ម និងអ្នកគាំទ្ររបស់តារាចម្រៀងភ្ញាក់ផ្អើល ពេលចេញបទចម្រៀងតែម្ដង ហើយដូចការរំពឹងទុក គឺអ្នកគាំទ្រនៃភាគីទាំងពីរ ពិតជាភ្ញាក់ផ្អើល ម្នាក់ៗចូលមកអបអរសាទររៀងៗខ្លួន។
វង្ស ថាណាន់ គឺជាតារាចម្រៀងប្រុសទី ២ ដែល Galaxy បាននាំចូលក្នុងផលិតកម្មរបស់ខ្លួនក្នុងរយៈពេលតែប្រមាណ ១ខែ បន្ទាប់ពី លោក ខេម បានចេញមុខមុននេះ ក៏បានធ្វើឲ្យអ្នកគាំទ្រតារាចម្រៀង និងអ្នកគាំទ្ររបស់ផលិតកម្មភ្ញាក់ផ្អើលដូចគ្នា។ លោក យឹម តាស្រង់ បញ្ជាក់ថា ផលិតកម្មលោកនៅមានផែនការវែងឆ្ងាយទៀត និងក៏ត្រូវការតារាចម្រៀងមានសមត្ថភាពបន្ថែមទៀតដែរ។ ប៉ុន្តែថា នោះជាផែនការជំហានបន្ទាប់ទៀត ប៉ុន្តែត្រឹមបច្ចុប្បន្ន លោកគិតត្រឹមតារាចម្រៀងដែលមានសិន។
តោះ ស្ដាប់បទដំបូងរបស់ វង្ស ថាណាន់ ក្នុងផលិតកម្ម Galaxy មានចំណងជើងថា "ស្នេហ៍ក្រៅផ្លូវការ" ទាំងអស់គ្នា ព្រោះក្រុមអ្នកគាំទ្រសរសើរថា បទនេះពិតជាពីរោះ និងចាក់ដល់បេះដូងពួកគេណាស់!
