- 2020-08-04 03:30:14
- ព័ត៌មាន
ខាន់ ជេមស៍ ពោលនឹកគ្រួសារ ក្រោយជាប់គាំងនៅលើកោះរ៉ុង មកផ្ទះអត់រួច!
- 2020-08-04 03:30:14
- ចំនួនមតិ 0 | ចំនួនចែករំលែក 0
ខាន់ ជេមស៍ ពោលនឹកគ្រួសារ ក្រោយជាប់គាំងនៅលើកោះរ៉ុង មកផ្ទះអត់រួច!
ចន្លោះមិនឃើញ
លោក ខាន់ ជេមស៍ ថានឹងចេញពីកោះរ៉ុង ខេត្តព្រះសីហនុនៅថ្ងៃទី៤ នេះ ឬនៅថ្ងៃទី៥ ខែសីហា ក្រោយពីលោក និងក្រុមការងារបានជាប់នៅលើកោះរ៉ុងរយៈពេលបីថ្ងៃ ដោយសារប៉ុន្មានថ្ងៃមកនេះមានភ្លៀងធ្លាក់លាយឡំនឹងខ្យល់កន្ទ្រាក់បង្កឲ្យមានរលកសមុទ្រធំៗមិនអាចធ្វើដំណើរតាមផ្លូវទឹកចេញមកវិញបាន។
តារាចម្រៀងរូបនេះ បានបង្ហោះសារ និងវីដេអូជាបន្តបន្ទាប់ថា រូបលោកកំពុងជាប់នៅកោះរ៉ុង ប៉ុន្ដែលោកសុខសប្បាយ និងមានហូបចុកគ្រប់គ្រាន់។ លោកសុំឲ្យអ្នកគាំទ្រកុំព្រួយបារម្ភពីលោក ប៉ុន្ដែលោកក៏មានអារម្មណ៍កណ្ដោចកណ្ដែងណាស់ដែរ៖"នឹកផ្ទះជាប់នៅកោះរ៉ុងដោយសារខ្យល់ខ្លាំងមិនអាចទៅវិញបាន នឹកគ្រួសារ"។
លោក ខាន់ ជេមស៍ មិនបានបញ្ជាក់ថា ដំណើរទៅកាន់កោះរ៉ុង ខេត្ដព្រះសីហនុនោះ គឺក្នុងទិសដៅទេសចរណ៍ផ្ទាល់ខ្លួន ឬទៅក្នុងទិសដៅការងារសប្បុរសធម៌ណាមួយនោះទេ។ មន្ដ្រីរដ្ឋបាលសាលាខេត្ដព្រះសីហនុ បានបង្ហោះសារមួយដើម្បីឆ្លើយតបទៅនឹងស្ថានភាពរបស់តារាចម្រៀងនេះថា មិនកម្សត់ពេកទេ ខាន់ ជេមស៍ ព្រោះក្នុងនាមរដ្ឋបាលខេត្ដឯកឧត្ដម គួច ចំរើន បានយកចិត្ដទុកដាក់ខ្ពស់ចំពោះបងប្អូនគ្រប់គ្នា ហើយក៏បារម្ភពីសុវត្ថិភាពបងប្អូនដែរ៕
