- 2020-08-22 05:38:53
- ព័ត៌មាន
ដល់កបាត់ ម៉ាដូណា យប់មិញហ៊ឺហាខ្សែកពេជ្រ នាឡិកាពេជ្រ លេចធ្លោជាងគេហ្មង!
- 2020-08-22 05:38:53
- ចំនួនមតិ 0 | ចំនួនចែករំលែក 0
ដល់កបាត់ ម៉ាដូណា យប់មិញហ៊ឺហាខ្សែកពេជ្រ នាឡិកាពេជ្រ លេចធ្លោជាងគេហ្មង!
ចន្លោះមិនឃើញ
តារាសម្ដែងពូកែកំប្លុកកំប្លែង បានធ្វើឲ្យមានការចាប់អារម្មណ៍ខ្លាំងក្នុងកម្មវិធីសម្ពោធហាងពេជ្រមួយកន្លែងនៅជិតមន្ទីរពេទ្យលោកសង្ឃ ក្រោយពីពេលដែលគេបានឃើញលោក ហ៊ឺហាខុសប្លែករាល់ដងដោយលំអខ្លួនសុទ្ធតែគ្រឿងពេជ្រតែម្ដង។
គ្រឿងពេជ្រដែល តារាកំប្លុកកំប្លែង ម៉ាដូណា ពាក់ មានដូចជា ខ្សែកបន្តោងព្រះដាំពេជ្រជាច្រើនគ្រាប់។ ក្រៅពីនេះ នៅមាននាឡិកាដៃម៉ាក Cartier ដាំពេជ្រជាច្រើនគ្រាប់ដូចគ្នា ដោយបានធ្វើមានការចាប់អារម្មណ៍ និងទាក់ទាញក្រសែភ្នែកភ្ញៀវកិត្តិយសជាច្រើន ក៏ព្រោះតែកន្លងមក គេកម្រឃើញតារារូបនេះ ហ៊ឺហាបែបនេះណាស់។ ភ្លាមៗមានការប៉ាន់ស្មានថា សរុបគ្រឿងពេជ្ររបស់តារាប្រជាប្រិយរូបនេះពាក់យប់មិញ មានតម្លៃមិនតិចពាន់ដុល្លារឡើយ។
ចំពោះបញ្ហានេះ តារាស្រឡាញ់ភេទដូចគ្នា បានឆ្លើយតបអ្នកសារព័ត៌មានថា នេះជាឈុតគ្រឿងអលង្ការដែលលោកទើបនឹងទិញថ្មីៗ ទើបយកមកពាក់ចូលរួមសម្ពោធហាងពេជ្រតែម្ដង។ សម្រាប់គ្រឿងទាំងនោះ ខ្សែកបន្តោងព្រះដាំពេជ្រ មានតម្លៃជាង ១ម៉ឺនដុល្លារអាមេរិក។ ដោយឡែកនាឡិកាដៃដាំពេជ្រមួយគ្រឿងទៀតវិញនោះ ក៏មានតម្លៃជិត ពាក់កណ្ដាលម៉ឺនដុល្លារអាមេរិកដែរ។ "បាទ នាឡិកាហ្នឹង បើតម្លៃពេញ ខ្ទង់ជិត ៤០០០ដុល្លារអាមេរិកតែ នេះខ្ញុំទទួលបានការបញ្ចុះតម្លៃពិសេស គឺសល់ជាង ២០០០ដុល្លារទេ"។
តារាមុខសេះ បានទិញគ្រឿងអលង្ការទាំងពីរមុខ ពីហាងពេជ្រ "រ៉ូយ៉ាល់ឃីង"ខាងលើ ដែលទើបនឹងបើកសម្ពោធនាយប់មិញនេះ ហើយនេះជាមូលហេតុដែលនាំឲ្យលោកមានវត្តមានក្នុងកម្មវិធីនេះ ប៉ុន្តែថា នេះមិនមែនជាមូលហេតុតែមួយគត់នោះទេ ពោលគឺ តាមពិតលោក និងថៅកែស្រីដ៏ស្រស់ស្អាតឈ្មោះ វណ្ណ នីកា ជាមនុស្សរាប់អានគ្នាជិតដិត ហើយកម្មវិធីនេះ គឺលោកទទួលជួយរៀបចំដំណើរការឲ្យតែម្ដង។
ក្រៅពីនេះ អ្វីដែលរឹតតែគួរឲ្យចាប់អារម្មណ៍ គឺលោកក៏បានព្រមព្រៀងគ្នាលើការងារធំមួយជាមួយថៅកែស្រីដែលជាមិត្តភ័ក្ដិនោះដែរ។ តារានិយមតែងមុខដូចតួល្ខោនជប៉ុន ប្រាប់ថា លោកត្រូវបានថៅកែស្រីទុកចិត្ត ហើយបានជ្រើសរើសធ្វើជាតារាតំណាងផលិតផល(Brand Ambassader)ថែមទៀត។នេះជាការងារ BA ទី១ដែលលោកទទួលបាននៅក្នុងឆ្នាំ ២០២០ ក្នុងពេលដែលកម្ពុជា ក៏ដូចជាពិភពលោកបាន និងកំពុងប្រឈមនឹងមេរោគ ខូវីដ១៩។
ប៉ុន្តែងាកទៅកាលពីឆ្នាំចាស់ លោកក៏ទទួលបានការងារដូចគ្នានេះសម្រាប់ផលិតផលជាច្រើនដែរ។ យ៉ាងណាខុសពីអតីតកាលបន្តិច ម៉ាដូណា បញ្ជាក់ថា លោកមិនមានតម្លៃពលកម្មប្រចាំឆ្នាំដូចការងារ BA ទូទៅនោះទេ។ ប៉ុន្តែលោកត្រូវបានថៅកែស្រី ផ្ដល់ជាភាគហ៊ុនតែម្ដង យ៉ាងណាលោកសុំមិនបង្ហើបពីចំនួនហ៊ុនដែលត្រូវបានផ្ដល់ឲ្យនេះទេ។ ក្រៅពីនេះ លោកនៅអាចទទួលបានជាភាគរយពីការលក់ថែមទៀត ដែលតាមគម្រោង លោកនឹងធ្វើការ Live លក់ពេជ្រនាំពីប្រទេសប៊ែលហ្សិកនេះក្នុងពេលឆាប់ៗ។
ដូច្នេះហើយ លោកបញ្ជាក់ថា មានភាពរីករាយណាស់ ក្នុងពេលដែលលោកត្រូវបានបញ្ចូលជាម្ចាស់ភាគហ៊ុនម្នាក់ និងមានឱកាសទទួលបានភាគរយបន្ថែមទៀតពីការងារលក់ ដែលនឹងធ្វើឲ្យលោកទទួលបានចំណូលកាន់តែច្រើន។ តាមតារាកំប្លុកកំប្លែងដដែល ហាងពេជ្រ "រ៉ូយ៉ាល់ឃីង" បាននាំចូលពេជ្រគុណភាពខ្ពស់ជាច្រើនពីប៊ែលហ្សិក ហើយក្នុងឱកាសបើកដំណើរដំបូងនេះ មានការបញ្ចុះតម្លៃពិសេស និងកាន់តែពិសេសសម្រាប់សិល្បករខ្មែរទាំងអស់ថែមទៀត៕
