លើកនេះប្លែកហើយ! បទថ្មី មាស សុខសោភា ចាប់ដៃជាមួយ ម៉ា ច័ន្ទបញ្ញា និងយុវតីស្រស់ស្អាត២រូបទៀត

2020-08-28 03:45:24
ចម្រៀង

2020-08-28 03:45:24
ចំនួនមតិ 0 | ចំនួនចែករំលែក 0

ចន្លោះមិនឃើញ

មាស សុខសោភា ដែលពេលនេះ ជាតារាចម្រៀងមិនស្ថិតក្រោមផលិតណា ក្រៅពីផលិតកម្ម Camtrax ផ្ទាល់របស់នាងនោះ ទើបបានបញ្ចេញ Poster ចម្រៀងថ្មី នៅទំព័រហ្វេសប៊ុកផ្លូវការរបស់នាង ដោយក្នុងនោះ គេឃើញតារាចម្រៀងស្រី បានងាកទៅចាប់ដៃគូជាមួយនឹងតារាចម្រៀងOriginal ម៉ា ច័ន្ទបញ្ញា ដែលគ្រប់គ្នាធ្លាប់បានដឹងលឺ ពីប្រវត្តិគូស្នេហ៍ដ៏ល្បីក្នុងបទ "ពីរនាក់បានហើយ" និងបទ "សង្សារចាស់" ។

តាមរយៈ Poster ថ្មីនេះ បទរបស់ មាស សុខសោភា មានចំណងជើងថា "ម្ដងទៀត"។ បទនេះ បើតាមព័ត៌មានទទួលបាន គឺជាបទចម្រៀងបង្កប់ក្រោយបទ "សង្សារចាស់" របស់លោក ម៉ា ច័ន្ទបញ្ញា កាលពីប៉ុន្មានខែមុននោះឯង ហើយនេះជាគេជឿថាជាមូលហេតុចម្បងមួយដែលតារាចម្រៀងប្រុសវ័យក្មេងរូបនេះ មានវត្តមានក្នុងបទចម្រៀងថ្មីរបស់ មាស សុខសោភា គ្រានេះ។

ចំណុចគួរចាប់អារម្មណ៍ បង្ហាញពីភាពកាន់តែប្លែកនោះ គឺថាបទរបស់ សោភា នេះមានតួអង្គស្រីមួយរូប មានមុខមាត់ស្អាត និងស្រដៀងគ្នាទៅហ្នឹងអតីតគូស្នេហ៍របស់លោក ម៉ា ច័ន្ទបញ្ញា បូករួមទាំងតួអង្គស្រីម្នាក់ទៀត ដែលបាន និងកំពុងអង្រួនចិត្តយុវវ័យ គឺ កញ្ញា លីនដា។ លីនដា ត្រូវបានអ្នកគាំទ្ររបស់នាង បានស្គាល់ក្នុងបទចម្រៀង “Demon” ក្នុងAlbum SKULL របស់ Vannda ដែលទើបតែនឹងចេញផ្សាយក្នុងពេលថ្មីៗនេះ។

លីនដា ក្នុងបទ "Demon" របស់ Vannda

តាមការបញ្ជាក់ពីប្រភពបានឲ្យដឹងថា បទ"ម្ដងទៀត" ធ្លាប់ចេញផ្សាយយ៉ាងខ្លី ជាសំឡេងមនុស្សប្រុស ភ្ជាប់នៅខាងក្រោយបទ "សង្សារចាស់" នាពេលកន្លងមក។ បទនេះ គ្រោងនឹងចេញបំបែកភាពស្ងប់ស្ងាត់របស់ មាស សុខសោភា ក្នុងពេលឆាប់ៗនេះ។ នេះបើព័ត៌មានដែលមាននៅលើ Poster ចម្រៀងដ៏គួរចាប់អារម្មណ៍៕

អត្ថបទ៖ ទារិកា