- 2020-09-22 02:14:00
- ព័ត៌មាន
"Mulan" ធ្លាក់ទឹកដៃបណ្ដោយឲ្យរឿង "The Eight Hundred" វ៉ាដាច់ជាថ្មីយ៉ាងងាយស្រួល
- 2020-09-22 02:14:00
- ចំនួនមតិ 0 | ចំនួនចែករំលែក 0
"Mulan" ធ្លាក់ទឹកដៃបណ្ដោយឲ្យរឿង "The Eight Hundred" វ៉ាដាច់ជាថ្មីយ៉ាងងាយស្រួល
ចន្លោះមិនឃើញ
ទោះបីវាបានក្លាយជារឿងដែលគេរំពឹងថាផ្ទុះកក្រើកឆ្នាំ ២០២០ ក៏ភាពយន្តខ្នាតធំដ៏ល្បីរបស់ Disney គឺ "Mulan" អាចរកចំណូលបានតែត្រឹម ៦,៤៧លានដុល្លារប៉ុណ្ណោញនៅចុងសប្ដាហ៍ទី ២ ក្នុងប្រទេសចិន ដែលអាចបើកដៃឲ្យរឿងរបស់ចិនតែម្ដងមានចំណងជើងថា "The Eight Hundred" វ៉ាដាច់យ៉ាងងាយស្រួល។ នេះបើផ្អែកតាមទិន្នន័យពីវិបសាយតាមដានភាពយន្ត Maoyan។
នៅល្ងាចថ្ងៃសៅរ៍ រឿងរបស់ Disney នេះ អាចរកចំណូលបានខ្ទង់ ៣៦,៥លានដុល្លារ លើទឹកដីចិន ស្របពេលរឿង "The Eight Hundred" អាចឈានមុខលើ Box Office ដោយរកចំណូលបានច្រើនជាងនេះដល់ទៅ ៣ដងឯណោះ បើទោះចេញបញ្ចាំងជាង ១ខែហើយក៏ដោយ។
"The Eight Hundred" ពេលនេះអាចរកបានចំណូលសរុប ៤២៥លានដុល្លារហើយ គិតចាប់ពីខែសីហា ជាហេតុធ្វើឲ្យវាក្លាយទៅជារឿងចិនដែលមានសមត្ថភាពរកចំណូលបានច្រើនបំផុតដាច់គេ។ ដោយឡែកបើតាមការប៉ាន់ស្មានរបស់ Maoyan បានឲ្យដឹងថារឿងនេះ អាចនឹងរកបានដល់ទៅ ៤៤៦លានដុល្លារ៕
