- 2020-10-01 04:46:51
- ព័ត៌មាន
គ្រប់ខែសម្រាលកូនដំបូង ម៉ាក់សែន សូនីតា ស្រាប់តែមានអារម្មណ៍អល់អែក!
- 2020-10-01 04:46:51
- ចំនួនមតិ 0 | ចំនួនចែករំលែក 0
គ្រប់ខែសម្រាលកូនដំបូង ម៉ាក់សែន សូនីតា ស្រាប់តែមានអារម្មណ៍អល់អែក!
ចន្លោះមិនឃើញ
តារាសម្ដែង ម៉ាក់ សែនសូនីតា ហៅតូតា ប្រាប់ថានាងគ្រប់ខែកើតកូនដំបូង នៅខែតុលា ឆ្នាំ២០២០ នេះហើយ។ នាងចង់សម្រាលកូនដំបូងនេះតាមបែបធម្មជាតិដោយពុំចង់វះកាត់ឡើយ ប៉ុន្តែនាងបារម្ភខ្លាចឈឺទ្រាំមិនបាន។
តូតា បានជូនដំណឹងនេះដល់អ្នកគាំទ្រ និងសាច់ញាតិតាមរយៈបណ្ដាញសង្គម Instagram នៅថ្ងៃទី១ ខែតុលា ថា៖"ដល់ខែមាំមីឡើងជ្រុញហើយ ម៉េចម៉ាទេលោកអើយ ចង់សម្រាលតាមធម្មជាតិតែខ្លាចឈឺណាស់! សុំកម្លាំងចិត្តម្នាក់តិចមក"។
នៅក្នុងខមិនលើសារដែលបានបង្ហោះនេះ មានមិត្តសិល្បៈខ្លះ បានគាំទ្រឲ្យនាងសម្រាលតាមបែបធម្មជាតិ ត្បិតថាការសម្រាលតាមបែបធម្មជាតិឈឺពោះយូរជាងការវះកាត់ ប៉ុន្តែការសម្រាលកូនបែបនេះស្រួលខ្លួនមិនទ្រុឌទ្រោមខ្លាំង ក្រោយពេលសម្រាលរួច។ ចំពោះព័ត៌មានជាក់លាក់ទាក់ទងនឹងថ្ងៃសម្រាលនៅដើមខែ ឬចុងខែតុលានេះ ហើយកូនក្នុងផ្ទៃនោះ គឺជាកូនប្រុស ឬកូនស្រី មិនទាន់ត្រូវបាននាងបង្ហើបឲ្យដឹងនៅឡើយទេ។
នៅព្រឹកនេះ តូតា បានបង្ហាញរូបថតស្លៀកឈុតខ្មៅប្រលែងក្បាលពោះដែលខ្ទាតយ៉ាងធំ ក្នុងទឹកមុខស្រស់ថ្លាពីក្នុងបន្ទប់ទឹកជាច្រើនសន្លឹក ដើម្បីសុំកម្លាំងចិត្ដពីមហាជន ជាពិសេសអ្នកគាំទ្រនាង។ តូតា បានចូលរោងការជាមួយបុរសអ្នកជំនួញធំដុំក្រៅសិល្បៈម្នាក់ កាលពីដើមខែមីនា ឆ្នាំ២០២០ នៅសណ្ឋាគារ សុខាភ្នំពេញ៕
