- 2020-11-24 08:37:28
- ព័ត៌មាន
យុគ ចិន្ដា ភ្លយមាត់ចេញនូវពាក្យដែលគេចង់ដឹងការពិតគ្រប់គ្នាទាក់ទងរឿងមានកូនប្រសា
- 2020-11-24 08:37:28
- ចំនួនមតិ 0 | ចំនួនចែករំលែក 0
យុគ ចិន្ដា ភ្លយមាត់ចេញនូវពាក្យដែលគេចង់ដឹងការពិតគ្រប់គ្នាទាក់ទងរឿងមានកូនប្រសា
ចន្លោះមិនឃើញ
ពិធីការិនីសម្បូរវោហាររបស់ស្ថានីយទូរទស្សន៍ CTN អ្នកនាង យុគ ចិន្ដា បានភ្លយមាត់ទៅកាន់កូនស្រីទោលរបស់ខ្លួន ទាក់ទងនឹងរឿងស្នេហា ក្នុងចំណោមសិល្បករ-សិល្បការិនី និងអ្នកសារព័ត៌មានដែលធ្វើឲ្យខ្លះបើកភ្នែកធំៗ ហើយគិតថាតើអ្វីដែលយុគ ចិន្ដា និយាយនេះ គឺជាការពិត ឬលេងសើច។
នៅកម្មវិធីជប់លៀងមួយដែលរៀបចំដោយអ្នកនាង យុគ ចិន្ដា ផ្ទាល់នាភោជនីយដ្ឋានស្លឹកឈូក កាលពីសប្ដាហ៍មុន នាងបានហៅឲ្យកូនស្រីចូលមកអង្គុយតុក្បែរខ្លួន ហើយថតរូបជុំគ្នា ដោយព្រលយពាក្យថា"កូនស្រីម៉ាក់ ម៉ាក់ជិតមានកូនប្រសាហើយ"។
ដើម្បីបញ្ជាក់លើពាក្យពេចន៍ដែលអ្នកនាង យុគ ចិន្ដា និយាយនេះថាជាការពិត ឬក៏និយាយលេង? កញ្ញា យុគ ដាពេជ្រ ហៅស្រីអម អះអាងថា នេះគឺជាពាក្យលេងសើចរបស់ម្ដាយដែលស្រឡាញ់ថ្នាក់ថ្នមកូនស្រី ហើយម្ដាយនាងផ្ទាល់ជាអ្នកនិយាយថា ស្ថិតក្នុងវ័យសិក្សាមិនទាន់មានការងារធ្វើច្បាស់លាស់ គឺដាច់ខាតមិនត្រូវមានសង្សារឡើយ ហើយកញ្ញាបានចងចាំនូវពាក្យប្រៀនប្រដៅនេះរហូត។
យុគ ដាពេជ្រ និយាយថា នៅសាលាក៏មានអ្នកចំអន់ និងនិយាយលេងសើចដោយផ្គូផ្គងរូបនាងទៅមិត្តភក្ដិប្រុសដែរ ប៉ុន្តែនាងមិនដែលគិតអ្វីផ្សេងក្រៅពីមិត្តរួមថ្នាក់ឡើយ ព្រោះការសម្រេចសព្វបែបយ៉ាងគឺនៅលើម៉ាក់។
បច្ចុប្បន្ន យុគ ដាពេជ្រ ហៅស្រីអម ដែលជាកូនស្រីទោលរបស់ពិធីការិនី យុគ ចិន្ដា មានវ័យ១៧ឆ្នាំហើយ។ នាងរៀនភាសាខ្មែរចំណេះទូទៅថ្នាក់ទី១០ និងរៀនភាសាអង់គ្លេសថ្នាក់ទី១១ នៅសាលាអន្តរទ្វីបអាមេរិកកាំង(AII)។ ចំពោះសំណួរថាតើប្អូនស្រីនឹងគិតគូររឿងគូស្រករនៅអាយុប្រហែលប៉ុន្មាន? ហើយបុរសបែបណាដែលប្អូនស្រីពេញចិត្ត? ស្រាប់នាងឆ្លើយថា"អត់មានចម្លើយឲ្យទេ"៕
