បីនាក់ ប៉ា ម៉ាក់ និងកូន ក្នុងគ្រួសារតារាល្បីៗទាំងនេះ បង្ហាញក្ដីសុខធំបំផុតមុនថ្ងៃបុណ្យណូអែល

2020-12-22 03:54:45
ព័ត៌មាន

2020-12-22 03:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនថ្ងៃបុណ្យChristmas និងបុណ្យឆ្លងឆ្នាំសកលឆ្នាំ២០២០ នេះ មានសិល្បករ-សិល្បការិនីខ្មែរ ជាច្រើនបង្អួតពីការតុបតែងផ្ទះ និងដើមគ្រីស្មើស(Christmas tree) នៅតាមផ្ទះរៀងៗខ្លួន ហើយថែមទាំងថតរូបជួបជុំគ្រួសារទៀតផង។

នៅថ្ងៃទី២២ ខែធ្នូ ឆ្នាំ២០២០ នេះ គេឃើញមានគ្រួសារតារាចម្រៀង និងសម្ដែងចំនួន៥ បានបង្ហាញរូបថត ជាមួយនឹងពាក្យពេចន៍ទៅកាន់ហ្វេនៗយ៉ាងមានសុភមង្គលបំផុត ដើម្បីត្រៀមទទួលយកអ្វីដែលថ្មីៗ ឬឱកាសសប្បាយរីករាយបន្ថែមនៅក្នុថ្ងៃបុណ្យឆ្លងឆ្នាំសកល និងថ្ងៃបុណ្យណូអែល។

១/តារាចម្រៀងស្រីរបស់ផលិតកម្មរស្មីហង្ស មាស ឱក សុគន្ធកញ្ញា បានស្លៀកពាក់ឈុតក្រហម ជាមួយស្វាមីលោក អ៊ឹង សុខលី ហើយថតរូបជាមួយកូនប្រុសរបស់ខ្លួនឈ្មោះ ឆាលី(Chalie) រំលេចដោយរូបភាពសើចក្អាកក្អាយ។ ទន្ទឹមគ្នានេះក៏មានហ្វេនៗជាច្រើនបានបន្ទរដោយខ្លះសរសេរថា គ្រួសារសុភមង្គល និងខ្លះថា កូនឆាលី បានថតជិះលើករប៉ាៗ សប្បាយចិត្ដណាស់។

២/តារាចម្រៀងប្រុសរបស់ផលិតកម្មរស្មីហង្ស មាស នី រតនា បានស្លៀកពាក់ឈុតក្រហមទាំងបីនាក់ ប៉ា ម៉ាក់ និងកូនតែម្ដង ហើយលោកពោលថា៖"សុភមង្គលក្នុងគ្រួសារគឺយើងជាអ្នកបង្កើត។ ស្នាមញញឹមរបស់អូន និងកូនជាក្ដីសុខរបស់បង"។

៣/តារាចម្រៀងរបស់ផលិតកម្មរស្មីហង្ស មាស ម្នាក់ទៀត គឺអ្នកនាង សួស វីហ្សា។ នាង និងស្វាមីលោក Tommy ព្រមទាំងកូនស្រីឈ្មោះជេននី បានស្លៀកឈុតក្រហមទាំងបីនាក់ដែរ ហើយបានថតរូបជុំគ្នាដោយមានផ្ទៃខាងក្រោយពណ៌ក្រហម។ ជាមួយនឹងរូបថតទាំងនេះ សួស វីហ្សា បានពោលពាក្យថា៖"កក់ក្ដៅ មានន័យ មានក្ដីសុខ"។

៤/តារាចម្រៀងរបស់ផលិតកម្មរស្មីហង្ស មាស ម្នាក់ទៀត គឺអ្នកនាង ពេជ្រ សូលីកា។ សូលីកា និងស្វាមីគឺលោក គឹម ហាន ព្រមទាំងកូនប្រុសឈ្មោះ ហង្ស អ៊ាវរីវ៉េនស្ដេ បានស្លៀកឈុតក្រហមឆ្អៅទាំងបីនាក់ រួចថតជុំគ្នាដោយទឹកមុខញញឹម និងមានសុភមង្គលបំផុត។ ពេជ្រ សូលីកា បានសរសេរភ្ជាប់ជាមួយរូបថតទាំងនេះថា៖"បេះដូងរបស់ខ្ញុំ"។

៥/តារាសម្ដែង និងជាអ្នកជំនួញ គង់ ច័ន្ទស្រីមុំ។ ស្រីមុំ បានបង្អួតរាងជាមួយនឹងដើមគ្រីស្មើសពីរបីថ្ងៃហើយជាមួយកូនស្រីឈ្មោះ គឹម សីហ៍ មរកត ដោយពុំមានវត្ដមានស្វាមី។ ប៉ុន្ដែទន្ទឹមគ្នានេះនាងក៏បានបង្ហាញរូបថតកាលពីឆ្នាំទៅក្នុងថ្ងៃបុណ្យណូអែលជាមួយកូន និងស្វាមីដែលស្លៀកឈុតក្រហមឈរថតនៅខាងមុខឡានដែរ៕

អត្ថបទ៖ ជិន សុភ័ក្ដ្រ