- 2020-12-31 03:20:34
- ព័ត៌មាន
ចម្ងល់ជុំវិញការស្លៀកពាក់ដដែលៗក្នុងបេសកកម្មរត់របស់សាយ ត្រូវបានម្ចាស់ខ្លួនបំភ្លឺ
- 2020-12-31 03:20:34
- ចំនួនមតិ 0 | ចំនួនចែករំលែក 0
ចម្ងល់ជុំវិញការស្លៀកពាក់ដដែលៗក្នុងបេសកកម្មរត់របស់សាយ ត្រូវបានម្ចាស់ខ្លួនបំភ្លឺ
ចន្លោះមិនឃើញ
ក្នុងបេសកកម្មរត់ដើម្បីសប្បុរសធម៌ជាមួយសាយរយៈពេល៩៩ថ្ងៃ លើចម្ងាយផ្លូវប្រមាណ២៣០០គីឡូម៉ែត្រ លោក អ៊ួន បឋម កម្រពាក់អាវដៃខ្លី ឬខោជើងខ្លីរត់ណាស់។ គេឃើញលោក ស្លៀកពាក់ខោអាវម៉ូដដដែលៗដែលបង្កើតចេញជាចម្ងល់ ថាតើសាយមានតែខោអាវតែមួយបន្លាស់នេះទេ? និងខ្លះឆ្ងល់ ថាតើសាយមានការរំខានទេពេលស្លៀកខោជើងវែងអាវដៃវែងមើលទៅដូចជាហប់ ក្ដៅអីចឹង។
នៅថ្ងៃនេះ សាយ បានស្រាយចម្ងល់ទាំងនេះហើយ។ លោកនិយាយថា សំលៀកបំពាក់ដែលលោកប្រើប្រាស់ក្នុងការរត់ គឺជាសំលៀកបំពាក់ដែលផលិតឡើងសម្រាប់ការរត់ជាពិសេស ហើយឈុតនេះក្លាយទៅជាឈុតសំណព្វចិត្តរបស់លោក មិនមែនពាក់អាវដដែលទេ តែមានម៉ូដដដែលច្រើនឈុត។
បេសកកម្មរត់ដើម្បីសប្បុរសធម៌ជាមួយសាយ ដើម្បីរៃអង្គាសប្រាក់ជួយដល់មន្ទីរពេទ្យកុមារអង្គរ រយៈពេល៩៩ថ្ងៃ ដោយរត់ជុំវិញប្រទេសលើចម្ងាយផ្លូវ២៣០០គីឡូម៉ែត្រ។ សាយ បានរត់ចេញពីភ្នំពេញតាំងពីថ្ងៃទី៦ ខែតុលា ឆ្នាំ២០២០ ឆ្លងកាត់ខេត្ត/ក្រុងជាច្រើន ហើយបច្ចុប្បន្នលោក និងក្រុមការងាររត់ចូលដល់ទឹកដីខេត្ដកំពង់ចាមហើយ។ ក្នុងរយៈពេល៩៩ថ្ងៃ គឺលោកប្រើតែឈុតនេះសុទ្ធ៕
