- 2021-01-12 03:27:46
- ព័ត៌មាន
ដឹងពីមូលហេតុពិត នៃការបាក់ជើងពីរកំណាត់របស់ ព្រីម លីហ្សា ហើយ!
- 2021-01-12 03:27:46
- ចំនួនមតិ 0 | ចំនួនចែករំលែក 0
ដឹងពីមូលហេតុពិត នៃការបាក់ជើងពីរកំណាត់របស់ ព្រីម លីហ្សា ហើយ!
ចន្លោះមិនឃើញ
តារាសម្ដែង និងបង្ហាញម៉ូត ព្រីម លីហ្សា កំពុងសម្រាកព្យាបាល និងហាត់ដើរតិចៗនៅផ្ទះ បន្ទាប់ពីនាងចេញពីមន្ទីរពេទ្យតឆ្អឹងជើងឆ្វេងដែលបានបាក់ពីរកំណាត់ ដោយសារជួបឧបទ្ទវហេតុនៅមុខសណ្ឋាគារមួយនាខេត្តសៀមរាប កាលពីថ្ងៃទី៣ ខែមករា។
បងស្រីរបស់ ព្រីម លីហ្សា បានប្រាប់ Sabay នៅមុននេះបន្តិចថា បន្ទាប់ពីបញ្ជូនពីខេត្តសៀមរាបមកកាន់មន្ទីរពេទ្យមួយនារាជធានីភ្នំពេញ ដើម្បីសង្គ្រោះដោយវះដាក់ដែកអបជើង ហើយសម្រាកពេទ្យបានតែ៤ថ្ងៃ ពេលនេះជើងដែលបានបាក់នោះ បានធូរស្រាលច្រើនហើយ។
ប្រភពដដែលបញ្ជាក់ថា លីហ្សា ទើបតែទៅជួបពេទ្យកាលពីល្ងាចមិញនេះ ប៉ុន្តែដែកដែលដាក់អបជើងនោះមិនទាន់វះដកចេញវិញនៅឡើយទេ ហើយលីហ្សា ត្រូវរក្សាការណាត់ជួបពិនិត្យរបស់គ្រូពេទ្យជំនាញរហូតដល់ជាសះស្បើយ។
បងស្រីរបស់តារាសម្ដែង ព្រីម លីហ្សា បានរំលឹកពីហេតុការណ៍គ្រោះថ្នាក់នោះថា តាមពិត លីហ្សាមិនបានជួបហេតុការណ៍គ្រោះថ្នាក់ចរាចរណ៍នោះទេ គឺនាងរអិលជើងធ្លាក់ពីលើពំនូកថ្មដែលគេដាក់គបន្តុបលើគ្នាដើម្បីតាំងលម្អនៅមុខសណ្ឋាគារមួយនាខេត្តសៀមរាប ក្នុងឱកាសដែលលីហ្សា និងមិត្តភ័ក្ដិ ជួបជុំគ្នាបន្តដើរលេងថ្ងៃបុណ្យឆ្លងឆ្នាំសកល៕
