- 2021-01-13 07:52:38
- ព័ត៌មាន
ក្នុងស្ថានភាពជំងឺកូវីដដ៏លំបាកប៉ុណ្ណឹងហើយ! តារាទាំង៦ដួងនេះ នៅអាចបោះទុនរាប់ម៉ឺនដុល្លាររកស៊ីទៀត
- 2021-01-13 07:52:38
- ចំនួនមតិ 0 | ចំនួនចែករំលែក 0
ក្នុងស្ថានភាពជំងឺកូវីដដ៏លំបាកប៉ុណ្ណឹងហើយ! តារាទាំង៦ដួងនេះ នៅអាចបោះទុនរាប់ម៉ឺនដុល្លាររកស៊ីទៀត
ចន្លោះមិនឃើញ
ស្ថិតនៅក្នុងស្ថានភាពដ៏លំបាកដោយសារបញ្ហាជំងឺកូវីដ-១៩ ដែលបានអូសបន្លាយតាំងពីដើមឆ្នាំ២០២០ រហូតមកដល់ពេលនេះ បានធ្វើឲ្យវិស័យធុរកិច្ច និងសេដ្ឋជាតិ នៃបណ្ដាប្រទេសអាស៊ានមួយចំនួនរងផលប៉ះពាល់យ៉ាងដំណំ។
និយាយដោយឡែក ចំពោះសិល្បករ-សិល្បការិនីខ្មែរទាំង៦រូបនេះ នៅតែមានលទ្ធភាព ហើយហ៊ានបោះទុនរាប់ម៉ឺនដុល្លារ ដើម្បីបើកហាងរកស៊ីបន្ថែមលើអាជីពសិល្បៈដែលអាក់ខានចេញថត ឬច្រៀងតាំងពីអំឡុងខែមីនា ឆ្នាំ២០២០ រហូតមកដល់ខែមករា ឆ្នាំ២០២១ នេះ។
១/កំពូលតារាចម្រៀងកម្ពុជា លោក ព្រាប សុវត្ថិ ដែលបច្ចុប្បន្នកំពុងជ្រកក្រោមផលិតកម្មGalaxy Navatra បានបោះទុនជិតដល់ខ្ទង់សែនដុល្លារ ដើម្បីរៀបចំរចនាបទ និងតុបតែងផ្ទះផ្ទាល់ខ្លួននៅក្បែរវត្ដសំរោងអណ្ដែត ក្នុងខណ្ឌសែនសុខ បង្កើតជាភោជនីយដ្ឋានមួយឈ្មោះ"ផ្ទះព្រាប សុវត្ថិ"។លោកបានបើកដំណើរការហាងនេះ នៅថ្ងៃទី២៥ ខែឧសភា ឆ្នាំ២០២០។
២/ តារាចម្រៀងប្រុសសំឡេងស្អក ខេម ដែលបច្ចុប្បន្នលោកកំពុងជ្រកក្រោមដំបូលGalaxy Navatra ដែរនោះ បានបោះទុនជាង២០ម៉ឺនដុល្លារ ដើម្បីបើកភោជនីយដ្ឋាន និងផាប់មួយឈ្មោះថា"T &Y" កាលពីថ្ងៃទី៧ ខែវិច្ឆិកា ឆ្នាំ២០២០។ ភោជនីយដ្ឋានរបស់លោកនេះ មានទីតាំងស្ថិតនៅតាមបណ្ដោយផ្លូវចូលវត្ដសំរោងអណ្ដែត ក្នុងខណ្ឌសែនសុខ រាជធានីភ្នំពេញ។
៣/ ពិធីករប្រចាំនៅស្ថានីយទូរទស្សន៍ MY Tvគឺ វីជេ ដាដា បានបើកភោជនីយដ្ឋាន និងផាប់មួយកន្លែងឈ្មោះ"GM" មានទីតាំងស្ថិតនៅក្រោយសាលាACE ក្នុងខណ្ឌដូនពេញ។ ចំពោះទំហំទឹកប្រាក់ដែលលោកបានបោះទុនវិនិយោគនោះ មិនត្រូវបានសាមីខ្លួនបញ្ចេញឡើយ ប៉ុន្តែប្រភពខ្លះបង្ហើបថា មិនក្រោម២ម៉ឺនដុល្លារឡើយ។ ភោជនីយដ្ឋាន និងផាប់ នេះ បានបើកថ្ងៃទី៩ ខែតុលា ឆ្នាំ២០២០។
៤/ ពិធីករ សុខ រ៉ាស៊ី។ លោកបានបើកអាជីវកម្មចំនួនពីរផ្ទួនៗគ្នា គឺទី១លោកបើកហាងលក់សម្លៀកបំពាក់ឈ្មោះ"7 Men Fashion" និងទី២ បើកអាហារដ្ឋានឈ្មោះ"MC Place Resturant and Lounge។ ហាងលក់សំលៀកបំពាក់ និងភោជនីយដ្ឋានដែលបោះទុនក្បែរសែនដុល្លារនេះ បានបើកដំណើរការនៅអំឡុងខែ វិច្ឆិកា ឆ្នាំ២០២០។
៥/ តារាសម្ដែងស្រីវ័យក្មេង គីម ហួរ បានបើកភោជនីយដ្ឋាន និងផាប់ឈ្មោះ"អឹមហ្វាយ" កាលពីថ្ងៃទី៨ ខែមករា ឆ្នាំ២០២០។ ភោជនីយដ្ឋាន និងផាប់ ដែលចំណាយទុនខ្ទង់ម៉ឺនដុល្លារនេះ មានទីតាំងស្ថិតនៅសង្កាត់បឹងកក់២ ខណ្ឌទួលគោក រាជធានីភ្នំពេញ។
៦/ ពិធីការិនី ដួង ហ្សូរីដា បានបើកហាងបាយ និងកាហ្វេមួយឈ្មោះ"Tube Coffee"។ ប្រភពមួយបញ្ជាក់ថា ហាងនេះបោះទុនមិនក្រោម១០ម៉ឺនដុល្លារឡើយ។ ហាងនេះ បានបើកដំណើរការកាលពីថ្ងៃទី៨ ខែវិច្ឆិកា ឆ្នាំ២០២០ ដែលមានទីតាំងស្ថិតនៅតាមបណ្ដោយផ្លូវជាតិលេខ៥ ក្នុងខណ្ឌឫស្សីកែវ ។
ក្រៅពីតារាទាំង៦ដួង ដែលបានងាកពីការងារសិល្បៈមកបើកហាងរកស៊ីក្នុងស្ថានភាពជំងឺកូវីដ-១៩ វាយលុកនេះក៏មានតារាមួយចំនួនទៀតដែរដែលបានត្រៀមបើកហាងរកស៊ី គឺមានដូចជា៖ តារាសម្ដែងស្រី សូដា នីតា និងតារាចម្រៀងស្រី សេន ជូរី ជាដើម៕
