- 2021-01-26 09:20:05
- ព័ត៌មាន
មោទកភាពជួស ទីបំផុត សាយ ទទួលពានរង្វាន់ដែលរូបគេសមនឹងទទួលបានហើយនៅថ្ងៃនេះ
- 2021-01-26 09:20:05
- ចំនួនមតិ 0 | ចំនួនចែករំលែក 0
មោទកភាពជួស ទីបំផុត សាយ ទទួលពានរង្វាន់ដែលរូបគេសមនឹងទទួលបានហើយនៅថ្ងៃនេះ
ចន្លោះមិនឃើញ
លោក អ៊ួន បឋម ដែលជាផ្ដើមកម្មវិធី "រត់ដើម្បីសប្បុរសធម៌ជាមួយសាយ" ទទួលពានរង្វាន់វីរៈយុវជនឆ្នាំ២០២០ ពីសមាគមអន្ដរជាតិយុវជន និងសិស្សនិស្សិតដើម្បីសន្តិភាព នៅរសៀលថ្ងៃទី២៦ ខែមករា នេះ ក្រោមអធិបតីភាពរបស់ប្រធានសមាគមលោក តាំង គីមស្រ៊ុយ និងរដ្ឋលេខាធិការក្រសួងមហាផ្ទៃលោកជំទាវ ជូ ប៊ុនអេង។
តារាចម្រៀង និងសម្ដែងលោក អ៊ួន បឋម ហៅសាយ និយាយថា រូបលោកពិតជាមានសេចក្ដីសោមនស្សរីករាយ និងនឹកស្មានមិនដល់ថាបានទទួលពានរង្វាន់នេះឡើយ។ លោក និងក្រុមការងារ រិះរកគ្រប់មធ្យោបាយដើម្បីផ្ដើមគំនិតថ្មីៗជួយដល់សង្គមជាតិ ហើយពានរង្វាន់លើកនេះមិនមែនសម្រាប់តែលោកម្នាក់នោះទេ គឺសម្រាប់យុវជនកម្ពុជា។
ទាក់ទងនឹងកម្មវិធីប្រគល់ និងទទួលពានរង្វាន់នេះ រដ្ឋលេខាធិការក្រសួងមហាផ្ទៃលោកជំទាវ ជូ ប៊ុនអេង បានកោតសរសើរចំពោះវីរភាពរបស់សាយក្នុងការរត់ចម្ងាយផ្លូវដល់ទៅជាង២០០០គីឡូម៉ែត្រ ដោយប្រើពេលតែ៩៩ថ្ងៃ ដើម្បីរៃអង្គាសថវិកាទៅជួយដល់មន្ទីរពេទ្យកុមារអង្គរ។ លោកជំទាវ បន្ថែមថា សាយ ពិតជាមានវីរភាពដូចឈ្មោះ"បឋម" មែន គឺអ៊ួន បឋម ជាយុវជនកម្ពុជាដំបូងគេចេះផ្ដើមគំនិតជួយសង្គមតាមរយៈសកម្មភាពរត់របស់ខ្លួន។
ថ្លែងទៅកាន់អ្នកចូលរួមប្រមាណ៥០នាក់ ក្នុងកម្មវិធីប្រគល់ និងទទួលពានរង្វាន់"វីរយុវជនឆ្នាំ២០២០ ដល់សាយ នាសណ្ឋាគារមួយនារាជធានីភ្នំពេញ ថ្ងៃនេះ ប្រធានសមាគមអន្តរជាតិយុវជន និងសិស្សនិស្សិតដើម្បីសន្តិភាពលោកបណ្ឌិត តាំង គីមស៊្រុយ បញ្ជាក់ថា ពានរង្វាន់នេះពិតជាមានអត្ថន័យខ្លាំងណាស់សម្រាប់យុវជនដែលមានវីរភាពជួយសង្គមជាតិ។ ពានរង្វាន់នេះ តែងតែធ្វើការប្រគល់ជូនដល់វិរយុវជនល្បីៗជាង៥០ប្រទេស នៅលើពិភពលោក៕
