- 2021-02-17 03:35:33
- ព័ត៌មាន
សិល្បករពីរនាក់ចេញមុខចាក់វ៉ាក់សាំងSinopharm មុនគេ ស្រាប់តែនាយក្រឹម ថាទៅចាក់នៅថ្ងៃនេះដែរ
- 2021-02-17 03:35:33
- ចំនួនមតិ 0 | ចំនួនចែករំលែក 0
សិល្បករពីរនាក់ចេញមុខចាក់វ៉ាក់សាំងSinopharm មុនគេ ស្រាប់តែនាយក្រឹម ថាទៅចាក់នៅថ្ងៃនេះដែរ
ចន្លោះមិនឃើញ
គិតត្រឹមព្រឹកថ្ងៃទី១៧ ខែកុម្ភៈ នេះ មានតារាសម្ដែងប្រុសពីរដួងហើយបានចាក់វ៉ាក់សាំងSino Pharmដើម្បីការពារជំងឺកូវីដ-១៩។ តារាទាំងពីរដួងនោះ គឺលោក យុត្ថារា ឆានី និងលោក ថមមី ដែលជាស្វាមីរបស់តារាចម្រៀងសួស វីហ្សា។
លោក ថមមី បានចាក់វ៉ាក់សាំងនៅថ្ងៃទី១៥ ខែកុម្ភៈ។ រីឯតារាសម្ដែងជើងចាស់ យុត្ថារ៉ា ឆានី វិញបានចាក់វ៉ាក់សាំងដូចគ្នានេះនៅថ្ងៃទី១៦ ខែកុម្ភៈ ម្សិលមិញ។ តារាទាំងពីរដួងដែលមានតួនាទីនៅក្នុងជួរ នៃបញ្ជាការដ្ឋានកងអង្គរក្សដូចគ្នានេះ បានបង្ហោះរូបថតពួកគេពេលកំពុងទទួលវ៉ាក់សាំងទៅកាន់មហាជនទៀតផង។
ងាកមកតារាកំប្លែងជើងចាស់ អ៊ូ ប៊ុណ្ណារ៉ាត់ វិញ។ បន្ទាប់ពីប្រកាសទទួលស្គាល់គុណភាពវ៉ាក់សាំងSinopharm របស់ចិនពីសំណាក់តារាកំប្លែងរូបនេះកាលពីប៉ុន្មានថ្ងៃកន្លងទៅ នៅថ្ងៃនេះលោកសម្រេចចិត្តចេញទៅចាក់វ៉ាក់សាំងការពារជំងឺកូវីដ-១៩ ដែរហើយ បើទោះបីជាអាយុរបស់លោកលើសលក្ខខណ្ឌតម្រូវ។ លោកនិយាយតាមបណ្ដាញសង្គមFacebook ផ្ទាល់ខ្លួនកាលពីម្សិលមិញថា៖"ស្អែកទៅចាក់វ៉ាក់សាំងSinopharm ហើយ។ អគុណ សន្តិភាព!"។
នាយក្រឹម ធ្លាប់និយាយថា វ៉ាក់សាំងSinopharm របស់ចិន មានគុណភាព និងប្រសិទ្ធភាពខ្ពស់ អាចជឿទុកចិត្ដបាន។ បើទោះបីលោកមានវ័យ៦០ឆ្នាំទៅហើយក្ដីក៏លោកនៅតែបន្តស្ម័គ្រចិត្តចាក់វ៉ាក់សាំងSinopharm ក្នុងពេលឆាប់ៗនេះដែរ។ ការលើកឡើងនេះក៏មិនខុសពីតារាកំប្លែងរួមជំនាន់ គឺលោក ជួង ជី ហៅនាយកុយដែរ ដោយលោកប្រកាសថាត្បិតថាពេលនេះលោកមានវ័យ៦៤ឆ្នាំទៅហើយ ក៏លោកនៅតែស្ម័គ្រចិត្តចាក់វ៉ាក់សាំងនេះដែរ។ ជាក់ស្ដែងនៅថ្ងៃម្សិលមិញ លោកបានទទួលវ៉ាក់សាំងការពារជំងឺកូវីដ-១៩លើកទី១ រួចហើយ នៅបញ្ជាការដ្ឋានកងអង្គរក្ស៕
