រំភើបទេ? «Queen Of Summer» របស់ K-Pop អាចនឹងវិលជុំគ្នាវិញឆាប់ៗ

2021-02-23 01:37:01
ព័ត៌មាន

2021-02-23 01:37:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេល ៤ឆ្នាំហើយដែលក្រុមចម្រៀងនារី SISTAR បំបែកជាផ្លូវការមក ប៉ុន្តែទោះជាយ៉ាងណាសមាជិកទាំង ៤នាក់នៅតែបន្តភ្ជាប់ទំនាក់ទំនងជាមួយគ្នារហូត ហើយតែងបង្ហាញក្ដីសង្ឃឹមសម្រាប់អ្នកគាំទ្រជានិច្ចក្នុងការវិលត្រឡប់មកវិញ។

ថ្មីៗនេះ អតីតសមាជិកក្រុមនេះគឺ Dasom បានជជែកលេងជាមួយនឹង Fan ជាសារសំឡេងលើបណ្ដាញសង្គម Clubhouse ដោយបានឆ្លើយនូវសំណួរគួរឲ្យចាប់អារម្មណ៍ជាច្រើន ហើយ១ក្នុងចំណោមសំណួរទាំងនោះហាក់បង្ហាញសញ្ញាពីការវិលជុំគ្នាជាថ្មីរបស់ SISTAR។

នាងបានឆ្លើយថា៖ «ពួកយើងកំពុងបន្តពិភាក្សាគ្នាពីការធ្វើការរួមគ្នាវិញ។ ខ្ញុំគិតថាសូម្បីក្រុមហ៊ុនរបស់ពួកយើងក៏រំភើបដែរ។ ប៉ុន្តែអ្នកទាំងអស់គ្នាអាចនឹងត្រូវចាំយូរបន្តិចទៀត។ ខ្ញុំមិនហ៊ាននិយាយអ្វីច្រើនពីគម្រោងអ្វីផ្សេងៗទេ តែខ្ញុំច្បាស់ក្នុងចិត្តថា ប្រសិនគ្រប់គ្នារង់ចាំ នោះនឹងមានអ្វីកើតឡើងជាប្រាកដ»។

ក្រុមចម្រៀង SISTAR បានបង្កើតកាលពីឆ្នាំ ២០១០ ដោយអង្រួនវិស័យ K-Pop ឲ្យកក្រើកដោយសារវត្តមានពួកគេខ្លាំងមិនធម្មតានៅពេលនោះក្នយងរយៈពេលដ៏ខ្លីជាមួយនឹងបទ «Push Push»។

បទចម្រៀងជាច្រើនបានធ្វើឲ្យមហាជនស្គាល់ពួកគេកាន់តែច្បាស់ ហើយភាគច្រើនសុទ្ធតែជាបទញាក់កន្ត្រាក់អារម្មណ៍ និងស្រស់ស្រាយ ជាពិសេសបទសម្រាប់រដូវក្ដៅ។ ហេតុនេះហើយទើបអ្នកគាំទ្រជាច្រើន ដាក់រហស្សនាមថា SISTAR គឺជា «Queen of Summer»។