- 2021-03-10 07:36:20
- ព័ត៌មាន
អ៊ឹម ជីវ៉ា ប្រមូលជំនួយពាន់ដុល្លារជួយដល់ស្ត្រីប៉ូលិសបំបៅដោះកូនត្រូវថ្នាក់លើស្ដីបន្ទោស
- 2021-03-10 07:36:20
- ចំនួនមតិ 0 | ចំនួនចែករំលែក 0
អ៊ឹម ជីវ៉ា ប្រមូលជំនួយពាន់ដុល្លារជួយដល់ស្ត្រីប៉ូលិសបំបៅដោះកូនត្រូវថ្នាក់លើស្ដីបន្ទោស
ចន្លោះមិនឃើញ
លោក អ៊ឹម ជីវ៉ា ប្រកាសប្រគល់ជំនួយរបស់សប្បុរសជនដែលមានទឹកប្រាក់១០០០ដុល្លារ និងរទេះរុញកូនក្មេង១គ្រឿង ដល់ស្ត្រីម្នាក់ឈ្មោះ ស៊ីថុង សុខា ជាមន្ត្រីនគរបាលចរាចរណ៍នៅអធិការដ្ឋាននគរបាលស្រុកសៀមប៉ាង ខេត្តរតនគីរីដែលលោកចាត់ទុកថាជាស្ត្រីគំរូដែលហ៊ានលះបង់ភាពអៀនខ្មាសបំបៅដោះកូននៅទីសាធារណៈ។
លោក អ៊ឹម ជីវ៉ា និយាយថា ជំនួយទាំងនេះរូបលោកបានទទួលពីលោកជំទាវឧកញ៉ា នឹម វណ្ណៈ និងឯកឧត្ដម ម៉ម សុខវិសាល ដែលត្រូវជាកូនបង្កើតរបស់លោកជំទាវ ហ៊ុន ស៊ីណាត។ លោកបញ្ជាក់ថា ការផ្ដល់ជំនួយនេះ មិនមែនជាការលូកដៃជ្រៀតជ្រែកក្នុងដែនសមត្ថកិច្ចក្នុងន័យបន្ទោសបង្អាក់ក្នុងរូបភាពណាមួយឡើយ គឺជាការជួយដោយសុទ្ធចិត្តរបស់សប្បុរសជន ដោយមើលឃើញការលះបង់ខ្ពស់របស់ស្ដ្រីដែលជាមន្ត្រីអនុវត្តច្បាប់ចរាចរណ៍ផ្លូវគោករូបនោះ។
លោក អ៊ឹម ជីវ៉ា មើលឃើញថា ស្ដ្រីឈ្មោះ ស៊ីថុង សុខា គឺជាស្ដ្រីគំរូមួយរូបដែលហ៊ានលះបង់ភាពអៀនខ្មាសនៅទីសាធារណៈដើម្បីកូន។ ទី២ ស្ត្រីរូបនេះ បើទោះជាខ្លួនដកឃ្លាមិនរួច តែនាងសុខចិត្តបំពេញកាត្វកិច្ចក្នុងនាមជាមន្ដ្រីរាជការមួយរូបដើម្បីបម្រើប្រយោជន៍ប្រជាពលរដ្ឋ។ ទី៣ ស្រ្ដីរូបនេះសុខចិត្ដនឿយហត់ មិនថានៅកន្លែងណា ឬបំពេញកាព្វកិច្ចហត់នឿយយ៉ាងណាក៏នាងនៅតែខិតខំដើម្បីគ្រួសារ និងកូនរបស់នាង។ និងទី៤ ដោយលោក និងសប្បុរសជន គិតឃើញថាជាខ្មែរដូចគ្នា៕
