- 2021-03-17 03:31:08
- ព័ត៌មាន
ទីបំផុត ស៊ិន ឧត្តមផល្លា ព្រមនិយាយរឿងពិត ដែលមុខមាត់ប្រែខ្មៅខុសពីមុនស្ទើរ១៨០ដឺក្រេ
- 2021-03-17 03:31:08
- ចំនួនមតិ 0 | ចំនួនចែករំលែក 0
ទីបំផុត ស៊ិន ឧត្តមផល្លា ព្រមនិយាយរឿងពិត ដែលមុខមាត់ប្រែខ្មៅខុសពីមុនស្ទើរ១៨០ដឺក្រេ
ចន្លោះមិនឃើញ
នៅប៉ុន្មានថ្ងៃមុន មានការភ្ញាក់ផ្អើលបន្ទាប់ពីតារាចម្រៀង ស៊ិន ឧត្តមផល្លា បញ្ចេញរូបភាពរបស់ខ្លួនប៉ុន្មានសន្លឹក ឃើញសភាពមុខឡើងខ្មៅខុសពីមុនស្ទើរ ១៨០ដឺក្រេ។
រូបភាពនេះបានចេញនៅលើបណ្ដាញសង្គម បន្ទាប់ពីតារាចម្រៀងប្រាប់ថា នាងនឹងបង្ហាញរូបភាពបច្ចុប្បន្នរបស់នាងទៅអ្នកគាំទ្រ។ ក្រោយរូបភាពប៉ុន្មានសន្លឹកនោះចេញ គេឃើញថា ស៊ិន ឧត្តមផល្លា ឥឡូវពីដូច ស៊ិន ឧត្តមផល្លា ពីមុន ពោលពីមុន នាងជានារីវ័យជាង៤០ឆ្នាំដ៏ស្រស់ស្អាតម្នាក់ ប៉ុន្តែរូបបច្ចុប្បន្ន នាងប្រែមុខមាត់ខ្មៅ ស្ទើរមិនគួរឲ្យជឿ។
ភ្លាមៗ ក្រោយបង្ហោះរូបភាពទាំងនោះមិនប៉ុន្មានម៉ោងផង សាមីខ្លួនបានចេញរូបភាពថ្មីទៀត ស្លៀកពាក់ដដែល តែថតនៅខាងក្រៅផ្ទះ ខណៈរូបមុនថតក្នុងផ្ទះ។ "មូលហេតុដែលថតទៅឃើញមុខខ្ញុំខ្មៅ ព្រោះខ្ញុំថតរូបនៅក្នុងផ្ទះរបស់ខ្ញុំភ្លេចបើកភ្លើង ហើយក៏មិនចូលចិត្តកែរូបភាពអោយខុសពីការពិតប៉ុណ្ណោះ ចំណែករូបមួយនេះឃើញមុខស ដោយសារខ្ញុំថតនៅក្រៅផ្ទះ"។
ទោះយ៉ាងនេះក្ដី គេនៅតែមើលឃើញសភាពរបស់តារាចម្រៀងច្រើនភាសារូបនេះ នៅតែខុសប្រក្រតី ពោលគឺពីមុនសាច់មុខម៉ដ្ឋសផូរផង់ស្មើ តែពេលនេះ សាច់មុខខ្មៅដូចរោលនឹងអ្វីមួយ។ ដោយសារតែបែបនេះ ផល្លា បានចេញមុខជាថ្មីនៅថ្ងៃនេះ ដោយព្រមនិយាយការពិត។
ផល្លា ថ្លែងថា៖ "ហេតុអីបានជាខ្ញុំសម្រេចផុសរូប ទាំងដែលដឹងថាមុខមាត់មិនទាន់ប្រក្រតី ? ព្រោះខ្ញុំមិនចង់អោយបងប្អូនខាងសារព័ត៌មាន រឺក៏ខាងទូរទស្សន៍នាៗ គិតថាខ្ញុំរឹកពារមិនចង់ផ្តល់បទសម្ភាសន៍ ឥឡូវនេះបងប្អូនបានឃើញហើយ បងប្អូនប្រាកដជាឆ្ងល់ថាហេតុអ្វីមែនទេ ? នេះគឺមកពីឥទ្ធិពលកាំរស្មីនៃការព្យាបាលជំងឺ ហើយខ្ញុំក៏មិនចង់បកស្រាយអ្វីច្រើនជាងនេះដែរ"។
នេះជាលើកទី២ហើយ ដែល ស៊ិន ឧត្តមផល្លា បានបង្ហាញឲ្យឃើញភាពខុសប្លែកពី ស៊ិន ឧត្តមផល្លា ពីអតីតកាល ដោយកាលពីប៉ុន្មានខែមុននេះ បញ្ចេញរូបភាពក្បាលត្រងោលមួយសន្លឹកធ្វើឲ្យមានការភ្ជាក់ផ្អើលមួយសារ។ កាលនោះ សាមីខ្លួនបានចេញមកបញ្ជាក់ថា ក្បាលនាងត្រងោល ព្រោះនាងកោរសក់សងគុណម្ដាយ។
ដោយឡែកនៅពេលនេះ ឃើញមានសក់វិញ តែមិនដឹងថា ជាសក់ពិត ឬសក់ពាក់នៅឡើយ។ ក្រៅពីនេះ នាងក៏បានឲ្យឃើញពីភាពខុសប្លែកលើផ្ទៃមុខទៅវិញ ដែលទីបំផុត ថៅកែហាងលក់គ្រឿងបុណ្យ "ឧត្តម ឧត្តម" បញ្ជាក់ថា នោះគឺជាលទ្ធផលនៃការបាញ់កាំរស្មីព្យាបាលជំងឺ។ ប៉ុន្តែគេនៅមិនទាន់ដឹងឡើយថា ស៊ិន ឧត្តមផល្លា ដ៏ផូរផង់ពីមុននោះ មានជំងឺអ្វីពិតប្រាកដនោះទេ៕
