ឈុតថើបគ្នាដំបូងរឿង «Vincenzo» នាំអ្នកមើលបុកតាមដានច្រើនរហូតបាន Rating ខ្ពស់កប់

2021-04-05 02:19:51
ព័ត៌មាន

2021-04-05 02:19:51
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅភាគថ្មីចុងក្រោយរឿង «Vincenzo» របស់ប៉ុស្តិ៍ tvN តួឯក Song Joong Ki និង Jeo Yeo Been បានធ្វើឲ្យផ្ទៃរឿងទទួលបានការចាប់អារម្មណ៍មិនធម្មតាពីសំណាក់អ្នកទស្សនា ពេលតួពួកគេត្រូវក្លែងខ្លួនធ្វើជា Mr. Anderson និងលោកស្រី Bening ស្របពេលម្ចាស់ខ្លួនពិតត្រូវគេចាប់ជំរិតនាំទៅកន្លែងផ្សេង។

ជាឱកាសល្អ Vincenzo (សម្ដែងដោយ Song Joong Ki) និង Hong Cha Young (សម្ដែងដោយ Jeo Yeo Been) ក៏បានអាចចូលក្នុងកន្លែងគោលដៅបានយ៉ាងជោគជ័យ។ អ្នកទាំង ២បានរៀបឆាកល្ខោន ដោយសម្ដែងធ្វើជាភ្ជាប់ពាក្យ។ ពេលនោះ Vincenzo បានលុតជង្គង់សុំ Hong Cha Young រៀបការ ហើយពេលខាងស្រីយល់ព្រម អ្នកនៅទីនោះក៏សុំឲ្យថើបគ្នា។ Vincenzo ពេលនោះស្ទាក់ស្ទើរខ្លាំង ព្រោះដឹងថាទំនាក់ទំនងរវាងខ្លួន និង Cha Young មិនតាន់ដល់ដំណាក់កាលស្រឡាញ់គ្នាពិតប្រាកដទេ។ ប៉ុន្តែដើម្បីកុំឲ្យបែកការណ៍ ទើប Cha Young ចាប់ទាញខាងប្រុសថើបតែម្ដង។

ទោះបីជាការសម្ដែង ប៉ុន្តែអ្នកទាំង ២ហាក់ដូចជាសម្ដែងអារម្មណ៍ពិតរបស់ពួកគេចេញមកទាំងមិនដឹងខ្លួន។ ក្រោយមកពួកគេក៏ភ្ញាក់ខ្លួនឡើងវិញ ប៉ុន្តែស្នាមថើបពេលនេះនឹងដក់ជាប់អារម្មណ៍គ្មានថ្ងៃបំភ្លេចបានងាយៗឡើយ។