ការពិតទាំង ១០ ចំណុចនៃជីវិត Yang Mi តារាស្រីផ្ការីកគ្រប់រដូវរបស់ចិន

2021-04-09 07:38:40
ព័ត៌មាន

2021-04-09 07:38:40
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងចិន Yang Mi ជាតារាស្រីដែលត្រូវបានគេស្គាល់ថាជាផ្ការីកគ្រប់រដូវ ព្រោះតាំងពីចូលសិល្បៈមក នាងកម្របាត់មុខយូរណាស់ រហូតដល់ពេលបច្ចុប្បន្នទៀតសោតនាងកាន់តែល្បីឡើង ឯចំនួនអ្នកគាំទ្រ ស្រឡាញ់ចូលចិត្តវិញក៏មានច្រើន ជាពិសេសក្នុងទ្វីបអាស៊ី។

ពេលនេះក៏ដល់ពេលយើងទៅដឹងរឿងរ៉ាវមួយចំនួនពីតារាស្រីរូបនេះម្ដង ថាតើមានអ្វីខ្លះនៅពីក្រោយខ្នងដែលជាផ្នែកក្នុងជីវិត Yang Mi៖

១. Yang Mi កើតនៅថ្ងៃទី១២ ខែកញ្ញា ឆ្នាំ១៩៨៦ ក្នុងស្រុក Xuanwu ទីក្រុងប៉េកាំង ប្រទេសចិន។

២. ឪពុករបស់នាងគឺជាប៉ូលីស ស្របពេលម្ដាយគឺជាស្ត្រីមេផ្ទះ។**

៣. -នាងមានកម្ពស់ ១៦៦ សង់ទីម៉ែត្រ, ទម្ងន់ ៤៦គីឡូ

- ឈាម ប្រភេទ B

- តារានិករ Virgo

- ឆ្នាំ ខាល

៤. កាលពីតូច Yang Mi ស្រឡាញ់ការជិះស្គីលើទឹកកក ហែលទឹក លេងពីងប៉ុង និងវាយតេនីណាស់។ និស្ស័យនាងពីក្មេងមិនសូវចេះនៅស្ងៀមទេ ចូលចិត្តចង់ដឹងនេះនោះ ទើបក្រោយមកម្ដាយឪពុកសម្រេចចុះឈ្មោះឲ្យនាងចូលរៀនសម្ដែងតែម្ដង។

៥. នៅអាយុ ៤ឆ្នាំ នាងក៏បានឱកាសចូលសម្ដែងក្នុងរឿងភាគដំបូង «Tang Ming Huang» ដើរតួជាព្រះនាងតូច Xianning។ រហូតដល់ ២ឆ្នាំក្រោយ ពេលមានអាយុ ៦ឆ្នាំ នាងក៏បានសម្ដែងរឿងក្បាច់គុនម្ដងរបស់ Stephen Chow (ទិនហ្វី) មានចំណងជើងថា «King Of Beggars»។ ត្រង់ចំណុចនេះ ទើបច្បាស់ថាវាសនារបស់ Yang Mi ជាមួយនឹងវិស័យសម្ដែងគឺត្រូវគ្នាខ្លាំងតាំងពីដើមមក។

៦. ក្រៅពីជាតារាសម្ដែង Yang Mi ក៏ជាតារាចម្រៀង និងផលិតករដែរ។

៧. នៅឆ្នាំ២០១៤ Yang Mi បានបង្កើត Agency ខ្លួនឯង មានឈ្មោះថា Jay Walk Studio ដោយបានសហការជាមួយនឹង H&R Century Picture ។ ក្រុមហ៊ុននាងមួយនេះ ក៏ជាកន្លែងដែលបានគ្រប់គ្រងតារាល្បីៗជាច្រើននាក់ដែរ ក្នុងនោះរួមមាន Dilireba Dimurat, Vin Zhang និង Vengo Gao ជាដើម។

៨. Yang Mi ជាម្ចាស់ក្រុមហ៊ុន ជាអ្នកបណ្ដុះបណ្ដាល Dilireba ដោយផ្ទាល់។

៩. Yang Mi គឹជាមនុស្សដែលចូលចិត្តជួយគេ ឬអាចនិយាយបានថាជាសប្បុរសជនដែលតែងមានមុខក្នុងសកម្មភាពមនុស្សធម៌ និងតែងយកចិត្តទុកដាក់ក្នុងពេលប្រទេសជួបទុក្ខលំបាក ដោយបានឧបត្ថម្ភជំនួយចេញពីទឹកចិត្ត លុយកាក់ផ្ទាល់តាមដែលអាចជួយបាន។

១០. នៅឆ្នាំ ២០១២ នាងបានបង្ហាញពីទំនាក់ទំនងជាមួយនឹង Hawick Lau តាមរយៈ Weibo ផ្ទាល់។ នៅឆ្នាំ ២០១៣ ពួកគេក៏បានភ្ជាប់ពាក្យនឹងគ្នា រហូតដល់ឆ្នាំ ២០១៤ ខែមករា ពួកគេបានក៏រៀបការ។ នៅខែមិថុនា ឆ្នាំដដែល Yang Mi បានសម្រាលកូនស្រី មានឈ្មោះថា Noemie Lau នៅមន្ទីរពេទ្យ Hong Kong Adventist ក្នុងទីក្រុងហុងកុង។ នៅចុងឆ្នាំ ២០១៨ Yang Mi និង Hawick ក៏បានប្រកាសពីការលែងលះបង្កជាការភ្ញាក់ផ្អើលជាខ្លាំង៕