- 2021-05-24 09:13:07
- ព័ត៌មាន
ប្រវត្តិកម្សត់ទើបធ្លាយ ចាន់ គង់ការ ថាឪពុក-ម្ដាយ ត្រូវគេចាប់ខ្លួននៅថៃ រីឯកូនតូចៗនៅខ្មែរដេកភ័យ ដាក់កាំបិតក្រោមខ្នើយ
- 2021-05-24 09:13:07
- ចំនួនមតិ 0 | ចំនួនចែករំលែក 0
ប្រវត្តិកម្សត់ទើបធ្លាយ ចាន់ គង់ការ ថាឪពុក-ម្ដាយ ត្រូវគេចាប់ខ្លួននៅថៃ រីឯកូនតូចៗនៅខ្មែរដេកភ័យ ដាក់កាំបិតក្រោមខ្នើយ
ចន្លោះមិនឃើញ
គេនៅមិនទាន់ដឹងច្បាស់ទេថា ចាន់ គង្ការ កំពុងដើរលេងនៅខេត្តបន្ទាយមានជ័យ ឬកញ្ញាមានស្រុកកំណើតនៅក្នុងខេត្តជង្រុកស្រូវធំទី២របស់កម្ពុជានេះ? ប៉ុន្តែនៅថ្ងៃទី២៤ ខែឧសភា នេះ កញ្ញា បានរំលឹកនូវរឿងរ៉ាវឈឺចាប់មួយដែលទំនងនាងសំដៅលើអតីតកាលរបស់ខ្លួន ឬកសិកររស់នៅខេត្តបន្ទាយមានជ័យ។
តារាម៉ូដែលសម្បុរស្រអែម ចាន់ គង្ការ បានបញ្ចេញអារម្មណ៍ពិតមួយដោយភ្ជាប់ជាមួយរូបថតឈបង្អួតរាង១សន្លឹកអមដោយទេសភាពវាលស្រែតាមបណ្ដាញសង្គមInstagram ថា៖"រឿងខ្លះគ្រាន់តែនឹកឃើញក៏ហូរទឹកភ្នែក មានតែអ្នកធ្លាប់ឆ្លងកាត់ភាពលំបាក វេទនាពិតប្រាកដប៉ុណ្ណោះ ទើបយល់អារម្មណ៍នេះ។ ជាកសិករ រកបាយហូបមិនបាន អង្ករថោក តែជីថ្លៃ ប្រមូលផលមក គេទម្លាក់តម្លៃស្រូវ"។
ចាន់ គង្ការ រំលឹកថា ខ្ចីលុយគេគ្មានអ្នកឲ្យ ព្រោះក្រពេកមិនមានលុយឲ្យកូនទៅរៀន មិនដែលស្គាល់រសជាតិសាច់គោ សាច់ជ្រូកមួយខែទល់មួយឆ្នាំ។ យប់ឡើងម៉ែ-ឪ ដេកយកដៃគងថ្នាស ដកដង្ហើមធំៗ ស្រូវធ្វើមិនបានផល អស់លុយពីខ្លួន សម្រេចចិត្ដទៅធ្វើកម្មករនៅស្រុកថៃចោលកូនតូចៗ ដោយរំពឹងថាបានប្រាក់ខ្លះផ្ញើឲ្យកូន និងទុកខ្លះគ្រាន់បានទិញបាយហូបខ្លួនឯង តែសំណាងមិនមានត្រូវប៉ូលិសថៃចាប់ដោយការឆ្លងដែនខុសច្បាប់។
កញ្ញាបញ្ជាក់ថា ពេលឪពុក-ម្ដាយ ត្រូវចាប់ខ្លួនដោយការឆ្លងដែនខុសច្បាប់ កូនតូចៗនៅខ្មែរ គ្មានអាហារ គ្មានសុវត្ថិភាព យប់ឡើងដេកអោបគ្នា ដក់កាំបិតក្រោមខ្នើយ។ ទោះជាយ៉ាងណាគេនៅមិនទាន់ដឹងទេថារឿងរ៉ាវដ៏ឈឺចាប់ដែលនាងបានលើកឡើងនេះ គឺជារឿងអតីតរបស់គ្រួសារនាង ឬវាបានកើតឡើងលើគ្រួសារណាមួយ ហើយនាងទើបតែលាតត្រដាង នៅពេលដែលនាងបានឃើញទេសភាពស្រុកស្រែនេះ៕
