- 2021-05-31 07:59:27
- ព័ត៌មាន
គិតតែ កូរ៉េ-ថៃ មិនសូវនឹកនាដល់ទួរគី តែបុរសរូបនេះ ល្បីដល់កំពូល ដោយសារសង្ហាកប់ពេក
- 2021-05-31 07:59:27
- ចំនួនមតិ 0 | ចំនួនចែករំលែក 0
គិតតែ កូរ៉េ-ថៃ មិនសូវនឹកនាដល់ទួរគី តែបុរសរូបនេះ ល្បីដល់កំពូល ដោយសារសង្ហាកប់ពេក
ចន្លោះមិនឃើញ
នៅពេលនិយាយពីការគាំទ្រសិល្បៈ ប្រិយមិត្តនឹងនឹកទៅដល់ កូរ៉េ ថៃ ហូលីវូដ ប៉ុន្តែសឹងថាគ្មានភាគរយដែលអាចគិតដល់សិល្បៈ ឬសិល្បកររបស់ប្រទេសជាច្រើនទៀតលើពិភពលោក ដែលតាមពិត មិនថាប្រទេសណា គឺសុទ្ធតែមានសិល្បៈវប្បធម៌ និងសិល្បកររៀងខ្លួន។ ជាក់ស្ដែងប្រទេសទួរគី ដែលស្ថិតនៅពាក់កណ្ដាលអឺរ៉ុប និងអាស៊ី និងជាប្រទេសដែលនៅចំណោមប្រទេសរត់ប្រណាំងខាងផ្នែកយោធានោះ ក៏សិល្បករល្បីៗ ស្អាតៗ និងសង្ហាជាច្រើនដែរ។
Burak Ozchivit ដែលមានឈ្មោះហៅក្រៅថា "Burak” មានកម្ពស់ ១,៨៤ ម៉ែត្រ កើតនៅថ្ងៃទី ២៤ ធ្នូ ១៩៨៤ នៅក្នុងទីក្រុង Mersin តំបន់ភាគខាងត្បូងរបស់ទួរគី។ ភាពល្បីល្បាញរបស់កំលោះវ័យ ៣៧ឆ្នាំ គឺបានដោយសារអំណោយផលដ៏ល្អអស្ចារ្យនៃរូបរាង ដែលជាហេតុឲ្យលោក ជាប់ជាតារាប្រុសដ៏សង្ហាម្នាក់ក្នុងចំណោម ១០ របស់ប្រទេស។
នៅឆ្នាំ ២០០៣ គឺជាឆ្នាំដ៏ជោគជ័យបំផុតរបស់ Burak ព្រោះតែវេលានោះលោកបានឈ្នះពានចំនួន២ ទី១ ជយលាភី "Best Model of Turkey” និងជយលាភីលេខ២ "Best Model of The World” ថែមទៀត។ ក្រោយមកទស្សនាវដ្ដីល្បីក្នុងស្រុកចំនួន២ បានយករូបលោកទៅប្រើជាក្របមុខរបស់គេថែមទៀត គឺទស្សនាវដ្ដី "Marie Claire” និង "Gloria Maganize” ។
ត្បិតថា បានផ្ដើមអាជីពជាតារាម៉ូដែល ប៉ុន្តែ Burak មានក្ដីស្រមៃចង់ក្លាយជាតារាភាពយន្តថែមទៀត។ ដូច្នេះហើយ លោកក៏បានចូលសិក្សាផ្នែកសិល្បៈរហូតទទួលបានសញ្ញាបត្រពីសាកវិទ្យាល័យ Marmara University នៅក្នុងទីក្រុង អ៊ីស្តាន់ប៊ុលរបស់ទួរគី។ ក្រោយមកលោកក៏បានឈានជើងទៅក្នុងឧស្សាហកម្មភាពយន្ត ជាមួយក្រុមហ៊ុនជាច្រើនមកពីអឺរ៉ុប ព្រមទាំងលេចមុខក្នុងភាពយន្តទូរទស្សន៍ក្នុងស្រុកជាច្រើន។ រឿងដែលលោកទទួលបានភាពល្បីល្បាញខ្លាំងគឺរឿង "Love Bird”។
តោះ គយគន់ភាពសង្ហារបស់ទួរគីរូបនេះទាំងអស់គ្នា!
