Song Joong Ki ត្រូវអ្នកជិតខាងព្រួតរិះគន់យ៉ាងដំណំ ព្រោះធ្វើផ្លូវតាមតែចិត្ត រហូតប៉ះពាល់ផ្ទះគេឯង

2021-07-02 04:27:49
ព័ត៌មាន

2021-07-02 04:27:49
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមការចេញផ្សាយរបស់វិបសាយ Newsen បានឲ្យដឹងថា Song Joong Ki ត្រូវរងការរិះគន់យ៉ាងចាស់ដៃ ចំពោះការសាងសង់ខុសច្បាប់របស់លោក សម្រាប់ផ្ទះនៅ Itaewon ដោយបានធ្វើផ្លូវ និងបង្កជាការខូចខាត ដល់ទ្រព្យសម្បត្តិរបស់ប្រជាជនរស់នៅក្នុងតំបន់នោះទៀតផង។

វិបសាយខាងលើ បានឲ្យដឹងថា តារាប្រុសរូបនេះកើតមានជម្លោះជាមួយនឹងអ្នកជិតខាង ដោយសារលោកបានធ្វើផ្លូវដែលនៅជាប់ផ្ទះរបស់ខ្លួន ដោយគ្មានការអនុញ្ញាតិពីអ្នកភូមិផងរបងជាមួយដែលរស់នៅក្បែរនោះ។ អ្នកភូមិម្ដុំនោះបាននាំគ្នាត្អូញត្អែរថា Song Joong Ki កំពុងកែមុំផ្លូវ លើកឲ្យខ្ពស់តាមតែចិត្តខ្លួនឯង ដើម្បីឲ្យឡានរបស់លោកបើកឡើងចុះស្រួល និងឲ្យស៊ីនឹងកម្ពស់ផ្ទះ។

ទោះជាយ៉ាងណាសកម្មភាពបែបនេះ ពិតជារងនូវផលប៉ះពាល់ខ្លាំង ដល់ប្រជាជនដែលរស់នៅជិតនោះ ព្រោះជាឧទាហរណ៍រថយន្តរបស់អ្នកភូមិម្នាក់ ត្រូវជ្រេកង់ រអិលថយក្រោយ ទៅបុកទ្វារផ្ទះរបស់អ្នកភូមិម្នាក់ទៀត បណ្ដាលឲ្យខ្ទេចមុខផ្ទះ។ មិនត្រឹមតែប៉ុណ្ណោះ វាបានបង្កជាគ្រោះថ្នាក់ផ្សេងៗ គួរឲ្យបារម្ភចំពោះអ្នករស់នៅម្ដុំនោះ ជាហេតុពួកគេបានដាក់ពាក្យសំុំឲ្យអាជ្ញាធរជួយដោះស្រាយផង ប៉ុន្តែដូចជាគ្មានចំណាត់ការណាមួយកើតមានសោះ។

ជាការឆ្លើយតប នាយកដ្ឋានផ្លូវ Yongsan ក៏បានបញ្ជាក់ថា ការធ្វើផ្លូវបែបនេះ ពិតជារំលោភលើមាត្រាទី ៧៥នៃច្បាប់ស្ដីពីផ្លូវថ្នល់ ដែលចែងថា កម្រិតជម្រាលផ្លូវមិនអាចត្រូវបានឲ្យកែសម្រួល ដោយគ្មានការអនុញ្ញាតិជាមុនទេ។