- 2021-07-08 01:56:46
- ព័ត៌មាន
តាមដំណឹងច្បាស់ការណ៍ ពេលនេះ Suzy សម្រេចទទួលថតរឿងថ្មីទៀតហើយ
- 2021-07-08 01:56:46
- ចំនួនមតិ 0 | ចំនួនចែករំលែក 0
តាមដំណឹងច្បាស់ការណ៍ ពេលនេះ Suzy សម្រេចទទួលថតរឿងថ្មីទៀតហើយ
ចន្លោះមិនឃើញ
បន្ទាប់ពីជោគជ័យពីការសម្ដែងរឿងភាគ **«Start-Up» មក Suzy មិនបានទទួលថតរឿងថ្មីទេ ទើបតែពេលនេះ នាងក៏សម្រេចវិលវិញជាមួយនឹងរឿងថ្មីជាប្រភេទរឿងភាគបែប Web ស៊េរី។
តាមការឲ្យដឹងពី Star News បានបញ្ជាក់ថា Suzy នឹងត្រឡប់ចូលពិភពសម្ដែងវិញ តាមរយៈរឿងថ្មីរបស់ Coupang Play មានចំណងជើងថា «The Second Anna»។ ដើមឡើយរឿងនេះគ្រោងផលិតជាភាពយន្តខ្នាតធំ ប៉ុន្តែដោយសារពេលរៀបសាច់រឿងចេញមក វាមានដល់ទៅ ៨ភាគ ទើបសម្រេចធ្វើជាភាពយន្តភាគវិញ។
Suzy បានសម្រេចទទួលការងារថតនេះ ក្រោយជោគជ័យពេលថតរឿង «Start-Up» កន្លងមក ហើយម្យ៉ាងក៏ដោយសារនាងទុកចិត្តលើអត្ថបទកុន និងស្នាដៃអ្នកដឹកនាំរឿង «Start-Up» ទើបនាងព្រមបង្ហាញមុខជាថ្មីបែបនេះ។
តាមព័ត៌មានក៏បានបន្ថែមដែរថា ពេលនេះក្រុមការងាររឿង «The Second Anna» កំពុងជ្រើសរើសតួជាបន្តបន្ទាប់ ហើយគ្រោងនឹងចាប់ផ្ដើមថតនៅចុងឆ្នាំ៕
