មុនត្រូវបានជ្រើសជាតួឯករបស់ «Kingdom» រដូវកាលថ្មី Jun Jihyun ក៏ជា Fan ផ្កាប់មុខរឿងនេះដែរ

2021-07-20 04:06:25
ព័ត៌មាន

2021-07-20 04:06:25
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី២០ ខែកក្កដានេះ ពិធីសម្ពោធរឿង «Kingdom: Ashin of the North» បានប្រព្រឹត្តិទៅដោយមានការចូលរួមពីតួឯកសំខាន់គឺ Jun Jihyun។

អ្នកនិពន្ធរឿងគឺ Kim Eun Hee បានថ្លែងថា៖ «តើអាចមានតារាសម្ដែងស្រីណាដែលស័ក្តិសមនឹងតួនេះជាង Jun Jihyun ក្នុងរឿង Ashin ទេ? ខ្ញុំជាអ្នកគាំទ្រផ្កាប់មុខរបស់ Jun Jihyun ហើយតែងតែគិតថានាងគឺជាតារាសម្ដែងម្នាក់ដែលមានសមត្ថភាពអស្ចារ្យ។ Jun Jihyun គឺជាអ្នកដែលត្រូវបានគេស្គាល់ច្បាស់ថាជាម្ចាស់ក្សត្រីនៃរឿងមនោសញ្ចេតនាស្នេហាបែបកំប្លែង ដែលបានប្រែមកដើរតួបែបអាថ៌កំបាំង និងជាតួរងនូវភាពឈឺចាប់ច្រើនក្នុងរឿង “Ashin Of The North” ហើយវាពិតជាអស្ចារ្យណាស់»។

អ្នកនិពន្ធដដែលបានបន្ថែមទៀតថា «ខ្ញុំចង់ឲ្យនាង (Jun Jihyun) ក្លាយជាអ្នកចម្បាំងដែលមានភាពរឹងមាំ ក្លាហានអស្ចារ្យ និងមើលមកជាមនុស្សគ្រោះថ្នាក់ពីសម្បកក្រៅ»។

អ្នកស្រីនៅបានឲ្យដឹងថា ពេលសរសេររឿង អ្នកដែលខ្លួននឹកឃើញមុនគេគឺ Jun Jihyun ហើយរឿងដែលនិពន្ធឡើង គឺតម្រូវតួ Jun Jihyun តែម្ដង ហើយអ្នកស្រីក៏បារម្ភដែរ ខ្លាច Jihyun បដិសេធមិនទទួលថតរឿងនេះ។

ចំណែក Jihyun ឯណេះវិញក៏បានបង្ហើបដែរថា នាងគឺជាអ្នកតាមដានរឿង «Kingdom» ហើយពេលបានជួបនឹងអ្នកនិពន្ធស្ងាត់ៗ មុនទទួលថតរឿងនេះ នាងបានប្រាប់អ្នកនិពន្ធថា នាងចង់បង្ហាញមុខក្នុងរឿង Zombie នេះហើយពេលក្រុមការងារផ្ដល់ឱកាសសម្រាប់នាងជាតួឯកធំ នាងពិតជាសប្បាយចិត្តណាស់។