១០ ចំណុចពី Park Jin Young បុរសល្អទាំងព្រម ដូចមាសទឹកដប់

2021-07-27 05:38:41
ព័ត៌មាន

2021-07-27 05:38:41
ចំនួនមតិ 0 | ចំនួនចែករំលែក 0

ចន្លោះមិនឃើញ

«The Devil Judge» ជាខ្សែភាពយន្តថ្មីសម្ដែងជាតួឯកដោយ Ji Sung និង Park Jinyoung ដែលពេញដោយរឿងក្ដី និងអាថ៌កំបាំង ហើយកំពុងនាំចិត្តអ្នកតាមដាន K-Dramaជក់ចិត្តមិនស្ទើរទេ ក្រោយចេញផ្សាយភ្លាម។

នេះជាស្នាដៃសម្ដែងថ្មីរបស់ តារា K-Pop សមាជិក GOT7 ដែលកាន់តែឲ្យ Fan ជឿជាក់កាន់តែខ្លាំងនូវសមត្ថភាពសម្ដែងរបស់លោក។ ទាំងបុរស និងនារីសុទ្ធតែពេញចិត្តនឹងមន្តស្នេហ៍របស់ Jinyoung ហើយពេលនេះយើងនឹងនាំអ្នកមកដឹងរឿងពិតបន្ថែមទៀតពីលោក៖

១. Park Jinyoung កើតថ្ងៃទី២២ ខែកញ្ញា ឆ្នាំ១៩៩៤ ក្នុងស្រុក Jinhae-Gu ក្រុម Changwon ខេត្ត Gyeongsangnam ប្រទេសកូរ៉េខាងត្បូង។ រឿងសំខាន់មួយទៀត ដោយសារតែមានឈ្មោះដូចគ្នានឹងអតីត CEO របស់ JYP គឺ Park Jinyoung ទើប Jinyoung (GOT7) មានអារម្មណ៍មិនស្រណុកឡើយពីដំបូង។ ជាឧទាហរណ៍ពេលម្ដាយ ផ្ញើរបស់ញ៉ាំដូចជា គីមឈីជាដើមឲ្យលោកញ៉ាំ ប៉ុន្តែអាហារទាំងនោះ តែងត្រូវបាត់ខ្លួន ព្រោះឈ្មោះអ្នកទទួលដែលដូចនឹងលោកទទួលជំនួសបាត់ទៅហើយ។

២. ម្ដាយរបស់ Jinyoung ជាអ្នកបញ្ជូនកូនឲ្យកូនក្នុងផលិតកម្ម ដើម្បីប្រឡងចម្រៀង។ ហេតុដែលនាំឲ្យអ្នកស្រីធ្វើបែបនេះ គឺដោយសារចង់ឲ្យកូនផ្ដោតលើការសិក្សា ព្រោះបើលោកត្រូវបានម្ដាយលើកទឹកចិត្តបែបនេះ ដូចនេះលោកនឹងមានកម្លាំងចិត្តកាន់តែខ្លាំងសម្រាប់ផ្ដោតលើការងារសាលា។ គួរឲ្យសរសើរ លទ្ធផលចុងក្រោយ Jinyoung ទទួលជោគជ័យទាំងការងារសាលា និងឈ្នះក្នុងការប្រកួតចូលសិល្បៈទៀត។

៣. ជាប់តំណែងលេខ ១ ពេលឆ្លងកាត់វិញ្ញាសាសម្ដែង កាលនៅជាអ្នកហ្វឹកហាត់ចំណូលថ្មី

មនុស្សជាច្រើនអាចនឹងគិតថា Jinyoung កើតមកដើម្បីតែធ្វើជា Idol (តារាចម្រៀង-រាំ)។ ប៉ុន្តែដឹងទេ? កាលពីនៅជា Trainee លោកថែមទាំងធ្លាប់ជាប់លេខ ១ ពេលប្រកួតវិញ្ញាសាសម្ដែងទៀតផង។ ហេតុនេះទើបលោកមានឱកាសបានចូលសម្ដែងរឿង «Dream High 2» កាលពីឆ្នាំ ២០១២ ហើយរហូតដល់ ២០១៤ ទើបលេចមុខជា GOT7។

៤. កាលពីនៅរៀន Jinyoung ក៏ធ្លាប់ត្រូវបានគេ Bully ដែរ

ដោយសារជាក្មេងស្លូតបូត ទើបងាយនឹងត្រូវមិត្តរួមថ្នាក់មើលងាយធ្វើបាប ឬ Bully។ ហេតុនេះទើបពេលណាឲ្យតែឃើញ Jinyoung អង្គុយតែឯង ឬញ៉ាំអ្វីមួយ មិត្តល្អប៉ុន្មាននាក់តែងនៅកំដរគ្រាន់បានជាគ្នា កុំឲ្យអ្នកផ្សេងមកធ្វើបាប។ ដោយសារចរិតល្អ ស្មោះត្រង់ ស្លូតបូត ផ្សំនឹងមុខមាត់ស្អាតបាត និងមានសមត្ថភាពខ្ពស់បែបនេះហើយ ទើបត្រូវអ្នកគាំទ្រឲ្យឈ្មោះថាជា «Model Of Life»។

៥. ត្រូវមិត្តភ័ក្តិហៅថា «តារាលំដាប់ពិភពលោក Park Jin Young»

ក្រៅពីជាប្រធានថ្នាក់ Jinyoung ក៏រៀនពូកែដែរ សូម្បីមិត្តរួមថ្នាក់ខ្លះថែមទាំងលង់នឹងលោក ព្រមទាំងលើកថានឹងក្លាយជា «តារាល្បីលំដាប់ពិភពលោក» ទៀត។ រហូតមកដល់ពេលនេះ Jinyoung បានឈានដល់ចំណុចជោគជ័យ មិនឲ្យខុសមាត់មិត្តភ័ក្តិឡើយ។

៦. Jinyoung បានឈ្នះតំណែងលេខ ២ ជាតារាដែលមានស្នាដៃថតរូបស្អាត ពេលយករូបភាពទាំងអស់មកដាក់តាំងបង្ហាញ និងឲ្យមហាជនបោះឆ្នោត។

៧. ដោយសារភាពល្អ សឹងគ្មានទាស់របស់ Jinyoung បែបនេះហើយ សូម្បីអ្នកគាំទ្របុរសៗ ក៏ទប់ចិត្តមិនស្រឡាញ់មិនបានដែរ។ ស្របពេលតារាប្រុសខ្លះសម្បូរអ្នកគាំទ្រជានារីៗច្រើនដាច់ ប៉ុន្តែ Jinyoung មានទាំង Fan បុរស និងនារី ហើយវាក៏ក្លាយជារឿងគួរឲ្យសរសើរដែរ។