- 2021-08-02 05:11:41
- ព័ត៌មាន
ផ្ដើមពីរឿង អ៊ិន សុភិន-រ៉ាស៊ី ឥឡូវ មូល សុវណ្ណគីរី បញ្ចេញរឿងមួយទៀត លោកជួបខ្លួនឯង
- 2021-08-02 05:11:41
- ចំនួនមតិ 0 | ចំនួនចែករំលែក 0
ផ្ដើមពីរឿង អ៊ិន សុភិន-រ៉ាស៊ី ឥឡូវ មូល សុវណ្ណគីរី បញ្ចេញរឿងមួយទៀត លោកជួបខ្លួនឯង
ចន្លោះមិនឃើញ
រឿងរ៉ាវទំនាស់ក្នុងការរកស៊ីដែលមានម្ចាស់បំណុល និងកូនបំណុលរវាងលោក សុខ រ៉ាស៊ី និង អ៊ិន សុភិន បាននាំឲ្យធ្លាយដល់រឿងខ្លះទៀតនៅក្នុងសង្គមសិល្បៈ ខណៈពេលនេះ អតីតហ្វ្រេសស៊ីឆ្នាំ ២០០៥ មូល សុវណ្ណគីរី បានចេញមុខបង្ហើបរឿងរ៉ាវដែលលោកជួបដែរ។
លោក មូល សុវណ្ណគរី បានបាត់មុខយូរហើយនោះ នៅថ្មីៗនេះ បានចេញមកបញ្ចេញរឿងនេះ ក្រោយឃើញសាច់រឿងរវាងលោក អ៊ិន សុភិន និង រ៉ាស៊ី។ លោកបានបញ្ចេញឲ្យដឹងថា លោកក៏មានរឿងដូចគ្នាដែរ ជាមួយមនុស្សដែលរាប់អានគ្នាជិតស្និទ្ធថែមទៀត ប៉ុន្តែគេនៅតែអាចធ្វើរឿងហួសចិត្តបាន ដូចដែល រ៉ាស៊ី បាន និងកំពុងជួបនាពេលនេះ។
គីរី ថ្លែងបែបនេះ ក្រោយពីលោក សុខ រ៉ាស៊ី បានលើកពីសាច់រឿងរបស់លោក និងលោក អ៊ិន សុភិន ដែលលោកថ្លែងថា អគ្គនាយកក្រុមហ៊ុមហាហង្ស បានលើកឡើងពីចំណុចនៅក្នុងការរកស៊ីរវាងភាគីទាំងពីរថា កន្លងមកតម្លៃមិនទាន់ព្រមព្រៀង ព្រមទាំងមិនមានឯកសារស្របច្បាប់ទៀត លើកិច្ចសន្យាជួលឧបករណ៍ទាំងឡាយដែលបម្រើឲ្យការផ្សព្វផ្សាយ និង live កម្មវិធីកន្លងមកផង។
បញ្ហានេះ រ៉ាស៊ី ថា អ៊ិន សុភិន បាន និងកំពុងរកលេសដើម្បីរួចពីការចោទប្រកាន់ជុំវិញរឿងជំពាក់ប្រាក់លោកពីការជួលឆាករៀបចំដំណើរកម្មវិធីកាលពី១ឆ្នាំមុន។ ជុំវិញបញ្ហានេះ មូល សុវណ្ណគីរី បានលើកឡើងថា ទោះមានឯកសារផ្លូវច្បាប់ មនុស្សចង់បោក គឺនៅតែបោកដដែល។
លោក សរសេរសារថា "ហើយថ្ងៃក្រោយចង់ឯកសារមេធាវីប្រថាប់ត្រា សំលាញ់មនុស្សកុហកបោកប្រាស់ មិនដែលអ្នកដ៏ទៃទេ តែអ្នកស្គាល់គ្នាហើយនិយាយថាសុទ្ធបងប្អូនយើងទេ ចុងក្រោយគឺ១ក្តាចប់!”។ គីរី បានបន្តថា លោកបានធ្វើកម្មវិធីឲ្យបុគ្គលម្នាក់ចំនួន ៣កម្មវិធីឯណោះ ប៉ុន្តែធ្វើចប់គេមិនបើកលុយឲ្យ។ "គេសុីដាច់លុយធ្វើអោយគេ៣កម្មវិធីពិធីករមិនអោយលុយដែរនឹង!”។
លោក សុខ រ៉ាសី បានព្យាយាម សួរបញ្ជាក់អត្តសញ្ញាណរបស់ភាគីម្ខាងទៀតរបស់ គីរី ប៉ុន្តែ អតីតហ្វ្រេស៊ី មិនបានបង្ហាញពីអត្តសញ្ញាណពិតប្រាកដឡើយ ដោយលោកលើកឡើងថា កុំឲ្យប៉ះពាល់ដល់គេ។
លោក សុខ រ៉ាស៊ី និងលោកអ៊ិន សុភិន ចាងហ្វាងផលិតកម្មមហាហង្ស កំពុងមានទំនាស់ផ្នែកសេដ្ឋកិច្ច លើការជួលសេវារៀបចំកម្មវិធីប្រកួតសម្រស់មួយកាលពីឆ្នាំទៅ។ សេវានោះ បើតាម រ៉ាស៊ី ជិត ២ម៉ឺនដុល្លារ ដែលចំនួននេះ លោកមិនទាន់ទទួលបានសំណងនៅឡើយ បើទោះសូម្បីលោកអង្វរឲ្យសងបណ្ដាល ៥០០-១០០០ដុល្លារ១ខែក៏បានក៏ដោយ។
អស់ចិត្តនឹងការរង់ចាំបន្តទៀត លោកបានបើកកកាយរឿងនេះនៅលើបណ្ដាញសង្គមកាលពីដើមខែ ហើយលោក អ៊ិន សុភិន បានទាមទារឲ្យលោកធ្វើការសុំទោសជាសាធារណៈ ដែលជាផ្នែកមួយនៅក្នុងដំណោះស្រាយទំនាស់រវាងគ្នា។ ប៉ុន្តែលោក រ៉ាស៊ី ប្រកាន់ជំហរថា មិនសុំទោសដាច់ខាត ហើយលោកនឹងតតាំងក្ដីជាមួយ ចាងហ្វាងផលិតកម្មដល់ណា ក៏លោកកំដរដែរ។
ងាកមកលោក អ៊ិន សុភិន វិញ ក៏បានបញ្ជាក់ថា លោកក៏ត្រៀមតទល់ផ្លូវច្បាប់ដូចគ្នា។ លោកថា "ខ្ញុំមិនចង់តបតអ្វីទៀត...ទុកទៅតុលាការចុះ ខ្ញុំនឹងបញ្ចប់រឿងឲ្យល្អមើល"៕
