- 2021-08-12 09:28:36
- ព័ត៌មាន
ត្រួសៗ! តារាល្បីទាំងគូៗចេញទៅចាក់វ៉ាក់សាំងដូសទី៣ ដោយឡែក សុខ ពិសី យកប៉ាធ្វើជាគូ
- 2021-08-12 09:28:36
- ចំនួនមតិ 0 | ចំនួនចែករំលែក 0
ត្រួសៗ! តារាល្បីទាំងគូៗចេញទៅចាក់វ៉ាក់សាំងដូសទី៣ ដោយឡែក សុខ ពិសី យកប៉ាធ្វើជាគូ
ចន្លោះមិនឃើញ
ដំណើរឆ្ពោះទៅកាន់មណ្ឌលចាក់វ៉ាក់សាំងAstrazenecaដែលជាដូសទី៣ ឬដូសជំរុញ គេឃើញវត្តមានរបស់តារាចម្រៀង និងសម្ដែងខ្មែរច្រើនគួរសមមានឱកាសចាក់វ៉ាក់សាំងនេះមុនគេ។ តារាខ្លះបាននាំគ្នាទៅចាក់ទាំងគូៗតែម្ដង ប៉ុន្តែតារាដែលមិនទាន់មានសង្សារ និងស្វាមី ឬភរិយា បានចេញពីផ្ទះទៅចាក់តែម្នាក់ឯង និងខ្លះបានទៅជាមួយប៉ា។
គិតពីថ្ងៃម្សិលមិញ និងថ្ងៃទី១២ ខែសីហា ឆ្នាំ២០២១ នេះ គេឃើញមានតារាល្បីៗមិនក្រោម១០នាក់ទេ បានចេញទៅចាក់វ៉ាក់សាំងដូសទី៣ ហើយបានបង្ហោះរូបថតពួកគេពេលកំពុងចាក់ទៀតផង។ ជាក់ស្ដែង មានដូចជា៖ តារាចម្រៀង សួស វីហ្សា និងស្វាមី ពិធីករ លី ម៉េងហូ ហៅនាយព្រែក និងតារាសម្ដែង ឈិន មុន្នីនាថ តារាសម្ដែង ថន លក្ខិណា តារាសម្ដែងស្រី សុខ សោម៉ាវតី និងតារាចម្រៀងល្បីឈ្មោះប្រចាំនៅផលិតកម្មសាន់ដេ គឺកញ្ញា សុខ ពិស ជាដើម។
ក្នុងដំណើរចេញទៅចាក់វ៉ាក់សាំងលើកទី៣ នេះ លោក ថមមី និងសួស វីហ្សា ដែលជាប្ដី-ប្រពន្ធដ៏ផ្អែមល្ហែម បានទៅចាក់នៅអគ្គលេខាធិការដ្ឋាន ក្រសួងការពារជាតិព្រមគ្នា កាលពីថ្ងៃទី១១ ខែសីហា។ រីឯនាយព្រែក និងកញ្ញា ឈិន មុន្នីនាថ ក៏បានធ្វើដំណើរទៅចាក់វ៉ាក់សាំងព្រមគ្នាដែរកាលពីម្សិលមិញ ត្បិតថាអ្នកទាំង២ នៅរឹងមាត់មិនទាន់ហ៊ាននិយាយចេញពីទំនាក់ទំនងពួកគេនៅឡើយនោះ តែនាយព្រែក និងមុន្នីនាថ បានចាក់នៅទីបញ្ជាការកងអង្គរក្សសម្ដេចតេជោរួចហើយដែរ។
ដោយឡែកតារាចម្រៀងស្រីល្បីឈ្មោះប្រចាំនៅផលិតកម្មសាន់ដេ សុខ ពិសី បានចេញទៅចាក់វ៉ាក់សាំងដូសទី៣ ឬដូសជំរុញកាលពីថ្ងៃទី១១ ខែសីហា ដែរ។ កញ្ញាបានធ្វើដំណើរទៅចាក់វ៉ាក់សាំងជាមួយប៉ា ហើយបានបង្ហោះសារខ្លីមួយថា៖"រួចរាល់សម្រាប់វ៉ាក់សាំងលើកទី៣ ជាមួយប៉ា"។ ចំណែកតារាសម្ដែង សុខ សោម៉ាវតី វិញបានចាក់វ៉ាក់សាំងនៅថ្ងៃនេះ ប៉ុន្តែនាងទៅចាក់តែម្នាក់ឯងប៉ុណ្ណោះជាមួយនឹងសំលៀកបំពាក់ខោខោវប៊យ និងអាវយឺតពណ៌ក្រហមឆ្អៅ។
កាលពីដើមសប្ដាហ៍នេះ រាជរដ្ឋាភិបាលបានបើកយុទ្ធនាការចាក់វ៉ាក់សាំងដូសទី៣ ឬដូសជំរុញដល់កងកម្លាំងជួរមុខ និងបុគ្គលសំខាន់ៗ។ ក្នុងរយៈពេល នៃការបើកយុទ្ធនាការចាក់វ៉ាក់សាំងនេះ គេក៏សង្កេតឃើញសិល្បករ-សិល្បការិនីដែលជាកងកម្លាំងផ្ទាល់បានចេញទៅចាក់ជាបន្តបន្ទាប់ដែរ៕
