- 2021-08-19 02:16:34
- ព័ត៌មាន
អៀង ចេនឡា សម្ងំព្យាបាលយូរ និងច្រើនវិធីយ៉ាងនេះ ទើបដល់ថ្នាក់គ្រូពេទ្យជំនាញបូមទឹកចេញពីសួត!
- 2021-08-19 02:16:34
- ចំនួនមតិ 0 | ចំនួនចែករំលែក 0
អៀង ចេនឡា សម្ងំព្យាបាលយូរ និងច្រើនវិធីយ៉ាងនេះ ទើបដល់ថ្នាក់គ្រូពេទ្យជំនាញបូមទឹកចេញពីសួត!
ចន្លោះមិនឃើញ
តារាសម្ដែង និងកំប្លែងស្ងួត អៀង ចេនឡា បានធូរស្បើយច្រើនហើយ បន្ទាប់ពីគ្រូពេទ្យជំនាញបូមទឹកចេញពីសួតកាលពីថ្ងៃម្សិលមិញ។ មុនឈានដល់ការបូមទឹកចេញពីសួតនេះ គឺលោកធ្លាប់សម្រាក និងលេបថ្នាំដើម្បីព្យាបាលនៅផ្ទះជាច្រើនសប្ដាហ៍ហើយដែរ ប៉ុន្តែអាការក្អកនៅតែមិនបាត់សោះ។
តារាសម្ដែងរូបនេះ បានប្រាប់Sabay នៅថ្ងៃទី១៩ ខែសីហា ថា មុនដំបូងលោកមានអាការក្អក ហើយក្អកនោះយូរខែហើយមិនបាត់សោះ ហើយចេះតែស្រកគីឡូ។ ទន្ទឹមគ្នានេះលោកបារម្ភរឿងឆ្លងជំងឺកូវីដ-១៩ តែពេលធ្វើតេស្ដអត់មានទេ បន្ទាប់មកលោកក៏ទៅពេទ្យជួសឈាម គ្រូពេទ្យប្រាប់ថាមានមេរោគក្នុងក្រពះ ហើយគ្រូពេទ្យបានឲ្យថ្នាំមកលេបរយៈពេលកន្លះខែ។
អៀង ចេនឡា៖"ញ៉ាំថ្នាំមេរោគក្រពះហ្នឹងកន្លះខែ អស់ហើយនៅតែមិនបាត់ក្អក ក៏សម្រេចចិត្តទៅថតសួត ទើបដឹង ថាមានទឹកចូលសួតចំហៀងខាងឆ្វេងរ៉ាំរ៉ៃយូរហើយ"។
មហាជន ជាពិសេសអ្នកគាំទ្រតារាសម្ដែងសម្បូរវោហារ អៀង ចេនឡា មានការភ្ញាក់ផ្អើលនៅថ្ងៃម្សិលមិញនេះ បន្ទាប់ពីលោកបង្ហាញរូបភាព និងស្ថានភាពសុខភាពរបស់លោកនៅក្នុងមន្ទីរពេទ្យមួយក្រោយពីលោកត្រូវបានក្រុមគ្រូពេទ្យជំនាញចោះខ្នងដើម្បីបូមយកទឹកចេញពីក្នុងសួត៕
