អ្នកគាំទ្រពិតជារំភើបចិត្តយ៉ាងខ្លាំងបន្ទាប់ លោក អួ បឋម ហៅ សាយ ជោកជ័យផ្ទួនៗទាំងការងារសិល្បៈ និងការងារសង្គម មិនតែប៉ុណ្ណោះនៅមុនប៉ុន្មានម៉ោងមុននេះ តារាចម្រៀង Original Song រូបនេះ ទទួលជំនួបយ៉ាងពិសេសជាមួយ លោកជំទាវបណ្ឌិតឯកអគ្គរដ្ឋទូតសាធារណរដ្ឋឥណ្ឌាប្រចាំកម្ពុជា។

តាមរយៈរូបភាពប៉ុន្មានសន្លឹកលើ Instagram ផ្លូវការរបស់កម្លោះសង្ហា សាយ បានឱ្យដឹងថាកាលពីម្សិលមិញនេះលោក ត្រូវបានលោកជំទាវវេជ្ជបណ្ឌិត H.E. Dr. Devyani Khobragade ឯកអគ្គរដ្ឋទូតសាធារណរដ្ឋឥណ្ឌាប្រចាំកម្ពុជា អញ្ជើញទទួលទានអាហារថ្ងៃត្រង់យ៉ាងពិសេស។

មិនតែប៉ុណ្ណោះក្នុងជំនួបប្រកបដោយកិត្តិយសនេះ សាយ និងលោកជំទាវបណ្ឌិតឯកអគ្គរដ្ឋទូត មិនត្រឹមតែទទួលទានអាហារថ្ងៃត្រង់ធម្មតានោះទេ គឺព្រមទាំងបានពិភាក្សាលើកិច្ចការងារសង្គម រួបជាមួយការងារសហការគ្នាមួយចំនួនដែល នឹងលេចរូបរាងនាពេលអនាគត។

ក្នុងនោះ សាយ បានបញ្ជាក់យ៉ាងច្បាស់ថាលោកជំទាវ ក៏នឹងអញ្ជើញចូលរួមក្នុងកម្មវិធី RUN WITH SAI Virtual Run 2021 ផងដែរ៕