YoonA និង Kim Seon Ho នឹងក្លាយជាអ្នករស់នៅដំបូលផ្ទះតែមួយ ជាន់ផ្សេងគ្នាក្នុងរឿងស្នេហាបែបកំប្លែងថ្មី

2021-09-13 01:55:09
ព័ត៌មាន

2021-09-13 01:55:09
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមការចេញផ្សាយរបស់ក្រុមការងារផលិតរឿង បានឲ្យដឹងថា YoonA (Girls’ Generation) និង Kim Seon Ho នឹងចាប់ដៃគ្នាសម្ដែងក្នុងភាពយន្តខ្នាតថ្មីមានចំណងជើងថា «2pm Date»។

ក្រុមការងាររឿងបញ្ជាក់ច្បាស់ៗថា តារាប្រុសស្រីទាំង ២រូបនឹងសម្ដែងជាតួឯករួមគ្នា ក្នុងភាពយន្តស្នេហា លាយឡមនឹងសាច់រឿងកំប្លែង។ ក្រោយពីក្រុមការងាររឿងប្រកាសមិនបានប៉ុន្មានផង YoonA ក៏បានបង្ហោះ Poster ថ្មីជាការបញ្ជាក់ពីការបង្ហាញខ្លួនពិតប្រាកដរបស់នាង តាមរយៈ Instagram។

សាច់រឿងរបស់រឿងនេះនឹងបង្ហាញពីបុរសម្នាក់ដែលរស់នៅជាន់លើ ដែលបានជួបនឹងនារីម្នាក់ដែលរស់នៅផ្ទះជាន់ក្រោម ហើយក៏ចាប់ផ្ដើមមានរឿងស្មានមិនដល់កើតឡើងក្រោយពួកគេជួបគ្នា។

YoonA នឹងដើរតួ នារីដែលនៅជាន់ក្រោម អ្នកដែលមានអាថ៌កំបាំងពេញខ្លួន ហើយតាមរយៈរឿងនេះនាងនឹងរួមការងារជាមួយនឹងអ្នកដឹកនាំរឿង Lee Sang Geun ដែលនេះជាលើកទី ២ហើត ក្រោយជោគជ័យរឿង «Exit» មក។

ចំណែក Kim Seon Ho នឹងដើរតួជាបុរសដែលរស់នៅជាន់លើ ដែលចាប់ផ្ដើមគួចចិត្តស្រឡាញ់ YoonA ក្រោយបានជួប។ មានព័ត៌មានបញ្ជាក់ដែរថា រឿងនេះគ្រោងនឹងចេញផ្សាយនៅខែមីនា ឆ្នាំ ២០២២៕