រវាងតារា ២រូបរបស់កូរ៉េ Cha Eun Woo ពេញចិត្តខ្លាំង ដល់ថ្នាក់មិនអាចជ្រើសម្នាក់ចោលម្នាក់បាន

2021-10-04 04:01:50
ព័ត៌មាន

2021-10-04 04:01:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថិតក្នុងបទសម្ភាសកាលពីមុនៗ Cha Eun Woo (ASTRO) បានលើកយកឈ្មោះតារាស្រីដែលលោកចង់សម្ដែងជាមួយ។

ជុំទី ១ លោកត្រូវជ្រើសរវាង Hyeri (Girls’ Day) និង Suzy ហើយភ្លាមៗលោកឆ្លើយយ៉ាងលឿនដោយគ្មានទាក់អ្វីបន្តិច ថាលោកជ្រើសយក Suzy។

ក្រោយមកទៀត គេឲ្យជម្រើស ២បន្តគឺ Kim Yoo Jung និង Park Bo Young ហើយលោកក៏ជ្រើសយក Park Bo Young។

មិនទាន់អស់ទេ ឈានដល់ជុំបន្ទាប់ គេដាក់ឲ្យលោកជ្រើសទៀតថា រវាង Suzy និង Park Bo Young លោកជ្រើសអ្នកណា? មុនឆ្លើយ Eun Woo គិតមួយសន្ទុះ ទើបផ្ដល់ចម្លើយ ថាលោកជ្រើសយក Suzy។

ទោះជាយ៉ាងណា ភ្លាមៗមានអ្វីផ្សេងទៀតកើតឡើង នោះគឺអ្នកសម្ភាសលើកយកឈ្មោះ Shin Min Ah ថាជា Ideal Type របស់ Eun Woo។ ដូច្នេះសំណួរចុងក្រោយ ថាតើ Shin Min Ah ឬ Suzy ដែល Eun Woo ជ្រើស?

តបនឹងសំណួរនេះ តារាប្រុសកើតឆ្នាំ ១៩៩៧រូបនេះ និយាយថា ខ្លួនពិតជាចង់សហការសម្ដែងជាមួយនឹងតារាសម្ដែងស្រីទាំង ២រូបនេះពិតមែន។

«ដំបូង ខ្ញុំបាននិយាយថាខ្ញុំចង់សាកសម្ដែងរឿងបុរាណបែបមនោសញ្ចេតនា និងរឿងបែបស្នេហាសិស្សសាលា។ ខ្ញុំតែងសង្ឃឹមថា ខ្ញុំចង់មានឱកាសសម្ដែងរឿងបុរាណជាមួយនឹងរៀមច្បង Shin Min Ah និងរឿងស្នេហាសិស្សសាលាជាមួយនឹងរៀមច្បង Suzy។ ខ្ញុំដូចជាមនុស្សទ្រង់លោភលន់បន្តិច»។ Eun Woo និយាយ។

ដូច្នេះសរុបមកវិញ រវាងតារាស្រីទាំង ២រូបនេះ លោកមិនអាចជ្រើសអ្នកណាមួយជាកំពូលតារាលេខ ១ក្នុងចិត្តទេ ព្រោះលោកគោរពទាំង ២នាក់៕