តាមសម្ដីអ្នកនិពន្ធ តួម្នាក់របស់ «Squid Game» ចេញពីគំរូដូណាល់ត្រាំ

2021-10-12 03:10:11
ព័ត៌មាន

2021-10-12 03:10:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថិតក្នុងបទសម្ភាស អ្នកនិពន្ធរឿង «Squid Game» លោក Hwang Dong Hyuk បានបង្ហើបការពិតជាច្រើន ចេញពីការនិពន្ធរឿងរយៈពេលជាង ១ទសវត្សនេះ ដោយក្នុងនោះរួមមានទាំងទម្លាយរឿងរបស់តួម្នាក់ដែលមានចរិតស្រដៀងនឹងអតីតប្រធានាធិបតីសហរដ្ឋអាមេរិក Donald Trump។

ថ្លែងប្រាប់ IndieWire លោក Hwang បាននិយាយថាខ្សែជីវិតមួយចំនួនដែលដាក់បញ្ចូលក្នុងរឿងគឺមានមែនក្នុងសង្គមរស់នៅបច្ចុប្បន្ននេះ ហើយក៏មានរឿងពិតរបស់លោកខ្លះៗដែរ។

Hwang Dong Hyuk

ជាឧទាហរណ៍កាលពីពេលដែល ក្រុមហ៊ុនធនាគារវិនិយោគ Lehman Brothers ជួបវិបត្តិក្ស័យធន ក្នុងសហរដ្ឋអាមេរិក វាបានផ្ដល់នូវហានិភ័យពាសពេញពិភពលោកកាលពីឆ្នាំ ២០០៨។ វាក៏បានជះផលអវិជ្ជមានដល់វិស័យសេដ្ឋកិច្ចប្រទេសកូរ៉េខាងត្បូងដែរ។ លោក Hwang ថា៖ «សេដ្ឋកិច្ចកូរ៉េត្រូវធ្លាក់ក្នុងសភាពយ៉ាប់យ៉ឺន ហើយខ្ញុំក៏ជួបវិបត្តិសេដ្ឋកិច្ចធ្ងន់ដែរ»។ ពេលជួបរឿងនេះ គ្រប់គ្នាត្រូវព្យាយាមងើបឈរស្ដារជីវិតខ្លួនឯងឡើងវិញ ធ្វើយ៉ាងណាឲ្យមានលុយកាក់ចាយសមរម្យ។

ដោយឡែកនៅមានរឿងមួយដែលអ្នកនិពន្ធរឿងល្បីរូបនេះចង់បង្ហាញនោះ គឺតួម្នាក់ដែលបំផុសគំនិតឲ្យលោកបង្កើតរឿង «Squid Game» នោះក៏ចេញពី Donald Trump ដែរ។

អ្នកនិពន្ធថា ពេល Donald ឡើងកាន់តំណែង «វាប្រៀបដូចជាលោកកំពុងដំណើរការហ្គេមអ៊ីចឹង មិនមែនគ្រប់គ្រងប្រទេសទេ ហើយធ្វើឲ្យគ្រប់គ្នាភ័យខ្លាច»។ ក្នុងន័យរបស់អ្នកនិពន្ធចង់បញ្ជាក់ថា «ខ្ញុំគិតថា គាត់មានចរិតលក្ខណៈស្រដៀងនឹងភ្ញៀវ VIP ក្នុងរឿង Squid Game អ៊ីចឹង»៕