ប្រឡូកច្រើនឆ្នាំហើយ ប៉ែន ចំរ៉ុង ទើបប្រទះវីដេអូចម្រៀងខ្មែរមួយ ចំណាយច្រើនមិនធ្លាប់ជួប

2021-12-18 08:07:29
ព័ត៌មាន

2021-12-18 08:07:29
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប៉ែន ចំរុង ដែលហាក់ស្ងប់ស្ងាត់ការងារសម្ដែងប្រមាណជាង ១ឆ្នាំចុងក្រោយនេះនោះ ឥឡូវបានលេចមុខជាថ្មីក្នុងវីដេអូចម្រៀងមួយបទដែលកំពុងនិយមរបស់ Galaxy Navatra ដែលលោកថា ជាវីដេអូចម្រៀងមួយដែលចំណាយទុនវិនិយោគយ៉ាងច្រើនលោកមិនធ្លាប់ជួប។

តារាប្រុសមកពីបាត់ដំបងរូបនេះ និយាយអំពីបទ “LAMBO TOY” របស់កំពូលតារា CAM-POP Galaxy Navatra តន់ ចន្ទសីម៉ា ដែលកំពុងល្បីខ្លាំង លើបណ្ដាញសង្គម Facebook ក៏ដូចជា TiKTok។ លោកថា បទនេះ បានថត MV រួចរាល់ហើយរង់ចាំតែថ្ងៃចេញផ្សាយជូនទស្សនិកជនប៉ុណ្ណោះ ក្នុងនោះ លោកចាត់ទុកថា MV មួយបទនេះបានចំណាយច្រើន ធ្វើឡើងក្នុងទ្រង់ទ្រាយធំដែលខ្លួនមិនធ្លាប់ជួបនាពេលកន្លងមក។

បែបនេះ លោក ប៉ែន ចំរ៉ុង ប្រាប់ថា លោកពិតជារំភើបជាខ្លាំង ដោយសារថា នេះជាបទចម្រៀងកម្រ និងពិសេសមួយ។ លោកមិនបានបង្ហាញតួលេខលើការចំណាយសម្រាប់ការផលិតបទចម្រៀង១បទនេះទេ។ ប៉ុន្តែជាមួយគ្នាលោក លើកឡើងថា ក្រោយឃើញការផលិតបទចម្រៀងខាងលើ លោកមានក្ដីសង្ឃឹមថា សិល្បៈខ្មែរនឹងកាន់តែរីកចម្រើនតទៅទៀត ជាមួយនឹងការផលិត MV ធំៗកម្រិតស្តង់ដា ដូចជា" LAMBO TOY” របស់ផលិតកម្ម galaxy navatra នេះ។

តាមប្រភពច្បាស់ការថាបទLAMBO TOY របស់កំពូលតារា CAM-POP Galaxy Navatra តន់ ចន្ទសីម៉ា បានកាត់ត កែពណ៌រួចរាល់អស់ហើយ ដែលផលិតកម្មត្រៀមបញ្ចេញក្នុងពេលឆាប់ៗនេះ។

មហាជនបានដាក់ក្ដីរំពឹងខ្ពស់ថាបទLAMBO TOY នឹងផ្ទះការគាំទ្រភ្ល្លូកទឹកភ្លូកដីមិនចាញ់បទ ”Are you ok” ខណៈដែលពេលនេះមានអ្នកចូលទស្សនារហូតដល់ទៅជាង 114M តែរយៈពេល១ខែប៉ុណ្ណោះ៕

អត្ថបទ៖ ទារិកា