- 2022-01-03 02:17:20
- ព័ត៌មាន
កូនក្នុងពោះធ្វើទុក្ខយ៉ាងណាក៏ ដេននីខ្វាន់ ប្រឹង Live ទាំងយប់បង្ហាញសណ្ដានពិតអតីតគូស្នេហ៍
- 2022-01-03 02:17:20
- ចំនួនមតិ 0 | ចំនួនចែករំលែក 0
កូនក្នុងពោះធ្វើទុក្ខយ៉ាងណាក៏ ដេននីខ្វាន់ ប្រឹង Live ទាំងយប់បង្ហាញសណ្ដានពិតអតីតគូស្នេហ៍
ចន្លោះមិនឃើញ
កាលពីចុងឆ្នាំ ២០២១ ដេនី ក្វាន់ បានបង្ហោះសារជាច្រើនទាក់ទង សុំឲ្យអតីតគូស្នេហ៍របស់ខ្លួន គឺ លោក ចាន់ មករា ចូលខ្លួនមកដោះស្រាយបំណុល ដែលបានជំពាក់មកលើគ្រួសារនាង ប៉ុន្តែក៏នៅមានមហាជនជាច្រើនចង់ដឹងកាន់តែច្បាស់ពីមូលហេតុពិតពីក្រោយរឿងនេះ។
ជាក់ស្ដែងកាលពីយប់ថ្ងៃទី ០៣ ខែមករា ឆ្នាំ២០២២ ដេនី ក្វាន់ ដែលពេលនេះកំពុងពពោះកូនក្នុងផ្ទៃ បានបើក Live ទម្លាយពីរឿងមួយចំនួនដែលលោក ចាន់ មករា ធ្វើមកលើគ្រួសារនាង។ អ្វីដែលនាងមិនពេញចិត្ត គឺបុរសម្នាក់នេះបានបោកប្រាស់ទឹកចិត្តគ្រួសារនាងទាំងមូល ពិសេសលើរឿងរថយន្ត ដោយបានឲ្យស៊ីញ៉េទិញដូរលើក្រដាសកិច្ចសន្យាក្លែងក្លាយ ហើយចុងក្រោយបែរជារឹបអូសឡាននោះធ្វើព្រងើយ។
ដេនី នៅបានបន្តទៀតថា ក្រោយពេលបែកគ្នាភ្លាម នាង និងលោក មករាមិនមានបញ្ហាល្អក់កករនឹងគ្នាខ្លាំងទេ តែដោយសារអស់ចិត្តស្រឡាញ់ទើបចែកផ្លូវ ហើយនាងក៏បន្តរាប់អានធម្មតាដែរ ព្រមទាំងអាណិតឆ្លៀតឲ្យលុយចាយទៀត។ ប៉ុន្តែចុងក្រោយ មិនស្មានថាការរាប់អាន និងការយោគយល់របស់នាង ផ្ដល់ឲ្យខុសមនុស្ស រហូតក្លាយជារឿងខកចិត្តមិនធម្មតា មិនត្រឹមតែនាងម្នាក់ តែទាំងគ្រួសារតែម្ដង។
មកទល់ពេលនេះ មិនទាន់ឃើញភាគី លោក ចាន់ មករា មកបំភ្លឺ ឬចូលខ្លួនដោះស្រាយរឿងនេះនៅឡើយ ហើយអ្វីដែល ដេនី និងគ្រួសារចង់បាន គឺការទទួលខុសត្រូវ ក៏ដូចជាដោះស្រាយបញ្ហានេះតាមសម្រួល ពុំដូច្នោះទេ នាងនឹងចាត់ការតាមផ្លូវច្បាប់៕
