- 2022-01-03 03:10:05
- ព័ត៌មាន
ស្ងាត់ពេក Fan ឆ្ងល់! ឥលូវ Dispatch ព្រមទម្លាយរូបណាត់ជួបគ្នារបស់ Hyomin និងគូស្នេហ៍ហើយ
- 2022-01-03 03:10:05
- ចំនួនមតិ 0 | ចំនួនចែករំលែក 0
ស្ងាត់ពេក Fan ឆ្ងល់! ឥលូវ Dispatch ព្រមទម្លាយរូបណាត់ជួបគ្នារបស់ Hyomin និងគូស្នេហ៍ហើយ
ចន្លោះមិនឃើញ
ជាប្រពៃណីរបស់ Dispatch គឺនៅរៀងរាល់ដើមឆ្នាំ ក្រុមការងារតែងទម្លាយរូបភាពតារាណាត់ជួបគ្នាស្ងាត់ៗ ដែលពួកគេប្រមាញ់បាន។ នៅ ២០២២ គ្រាន់តែចូលឆ្នាំភ្លាម មហាជនជាច្រើនចាំអ៊ុតគ្រប់គ្នា ថាតើតារាគូណាទៅដែល Dispatch ត្រៀមរូបទម្លាយ ជូនជាកាដូដើមឆ្នាំ។ ជូនតាមសំណូមពរពេលនេះក្រុមការងារបានបង្ហាញហើយ នោះគឺ Hyomin (T-ara) និងកីឡាករបាល់ទាត់ Hwang Ui Jo។
យោងតាម Dispatch ពួកគេបានទាក់ទងស្រឡាញ់គ្នាខ្ទង់ ៣ខែហើយ តែស្នេហានៅជើងមេឃម្ខាងម្នាក់ ព្រោះខាងប្រុសនៅបារាំង ស្របពេលខាងស្រីនៅកូរ៉េ។ ទោះជាយ៉ាងណា វាមិនមែនជាបញ្ហាឡើយ ព្រោះ ពួកគេក៏បានឆ្លៀតជួបគ្នា ហើយសំខាន់ពេល Ui Jo ស្ថិតក្នុងពេលវិស្សមកាល ២សប្ដាហ៍ ពួកគេក៏បានចំណាយពេលធ្វើដំណើរកម្សាន្តរួមគ្នា។
គូស្នេហ៍មួយគូនេះបានរៀនពីគ្នា មើលចិត្តគ្នា ហើយគាំទ្រគ្នាទៅវិញទៅមក។ ដូចកាលពីខែតុលា Hwang Ui Jo រងរបួសជើង ស្របពេល Hyomin ត្រូវរវល់នឹងការចេញអាល់ប៊ុមទោល ប៉ុន្តែអ្នកទាំង ២មិនខកខានក្នុងការមើលថែគ្នាក្នុងពេលលំបាកនេះទេ។ តាមព័ត៌មានបញ្ជាក់បន្ថែម អ្នកទាំង ២ចាប់ផ្ដើមបង្កើតទំនាក់ទំនងស្នេហាផ្លូវការនៅខែវិច្ឆិកា ឆ្នាំ ២០២១។
ចំណែកអ្នកតំណាងទាំងសងខាងរបស់ Hyomin និង Hwang Ui Jo ក៏មិនបានប្រកែកនឹងព័ត៌មាននេះដែរ តែបានបញ្ជាក់ដែរថា ពួកគេទើបតែស្រឡាញ់គ្នាទេ៕
