តិចថាក្រចុះ! តារារបស់ "Single’s Inferno” នៅសុទ្ធតែផ្ទះថ្លៃរាប់លាន មានតារាល្បីៗជាអ្នកជិតខាង

2022-01-13 03:08:03
ព័ត៌មាន

2022-01-13 03:08:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តួក្នុងកម្មវិធី "Single’s Inferno” គឺ Song Ji A (Free Zia) ពេលនេះគឺជាតារាស្រីដែលពេញជាទីសំណព្វរបស់កូរ៉េ តាំងពីនាងបង្ហាញខ្លួនក្នុងកម្មវិធីនេះមក។ ជាមួយនឹងអត្តចរិត និងការតែងខ្លួនបែបហាយសូ សិចស៊ីបែបនេះ រឿងអីដែលថាខ្វះអ្នកចាប់អារម្មណ៍នោះ?

ថ្មីៗនេះ នាងបានបង្ហោះវីដេអូមួយបង្ហាញពីគ្រប់កន្លែងក្នុងផ្ទះរបស់នាង។ តាមពិតនេះក៏ជាផ្ទះដែលនាងស្នាក់នៅតែឯងឆ្ងាយពីគ្រួសារ។ ដូច្នេះគ្រប់គ្នាច្បាស់ជាចង់ដឹងហើយមែនទេ ថាសភាពផ្ទះខាងក្នុងរបស់ Song Ji A យ៉ាងណាខ្លះ?

នារីដែលកំពុងទទួលបានការគាំទ្ររូបនេហ រស់នៅក្នុងអផាតមិន (Apartment) ប្រភេទ Trimage មានទីតាំងក្នុងតំបន់ Seongsu។ មិនមានរបាយការណ៍ច្បាស់ណាមួយបញ្ជាក់ថា នាងទិញ ឬក៏ជួលទេ ប៉ុន្តែដើម្បីជាការងាយស្រួល សូមបង្ហាញនូវតម្លៃគ្រប់ប្រភេទក្នុងការរស់នៅក្នុង Apartment ដ៏ស៊ីវីល័យមួយនេះ។

-ក្នុងលក្ខខ័ណ្ឌដែលនាងទិញអាផាតមិនប្រភេទបន្ទប់គេងមួយនេះ នាងត្រូវចំណាយ ៧៨០លានវ៉ុន (ខ្ទង់ ៦៥៦ ០០០ដុល្លារ)។

-ក្នុងលក្ខខ័ណ្ឌនាងដាក់ប្រាក់បញ្ញើច្រើន ហើយបង់ថ្លៃសេវាផ្សេងៗ នោះត្រូវបង់ ៥០០លានវ៉ុន (ប្រហែល ៤២០ ០០០ដុល្លារ)។

-ក្នុងលក្ខខ័ណ្ឌនាងជួលប្រចាំខែ តម្លៃលើទីផ្សារគឺ ៣លានវ៉ុន (ខ្ទង់ ២ ៥២០ដុល្លារ) ក្នុងមួយខែ។

ទោះជាយ៉ាងណាបន្ថែមលើអ្វីៗទាំងអស់នេះ អ្នកស្នាក់ត្រូវបង់ថ្លៃថែទាំអគាររៀងរាល់ខែ ដែលជាទូទៅគឺដល់ទៅ ២០០-៣០០ដុល្លារជាប្រចាំ។

ងាកចូលអ្នកដែលរស់នៅក្នុងអគារ Trimage នេះវិញ សុទ្ធតែជាអ្នកមានចំណូលខ្ពស់ ហើយក្នុងនោះក៏មានតារាល្បីៗដែររួមមាន៖ Taeyeon និង Sunny (Girls’ Generation), Leeteuk និង Donghae (Super Junior) ហើយសូម្បី Baekhyun (EXO) ក៏មានផ្ទះនៅទីនោះដែរ។ ដូច្នេះសរុបមកវិញ Song Ji A ក៏ជាអ្នកជិតខាងម្នាក់របស់តារាទាំងនេះដែរ៕