មួយជាតិការម្ដង Park Shin Hye ជ្រើសរ៉ូបមកស្លៀកសុទ្ធតែចេញពីកំពូលអ្នកច្នៃម៉ូដ ឯតម្លៃញាក់សាច់

2022-01-25 02:51:08
ព័ត៌មាន

2022-01-25 02:51:08
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី២២ ខែមករា ឆ្នាំ២០២២ Park Shin Hye និង Choi tae Joon បានធ្វើឲ្យបណ្ដាញអ៊ីនធើណិតកក្រើកមិនធម្មតា ដោយថ្ងៃនោះគឺជាថ្ងៃមង្គលការរបស់ពួកគេ ដោយមានការចូលរួមពីតារាជាច្រើននាក់ផងដែរ។

បង្ហាញមុខក្នុងពិធីមង្គលការរបស់ខ្លួន ទាំង Park Shin Hye និង Choi Tae Joon ពិតជាបានក្លាយជាកូនក្រមុំកូនកំលោះដ៏ស្រស់ស្អាត ជាគូចេញពី K-Drama ពិតៗហើយក្ដីស្នេហ៍ដែលពួកគេមានឲ្យគ្នា បានធ្វើឲ្យអ្នកគាំទ្ររំភើបចិត្តបំផុត។

សម្រាប់ Park Shin Hye ប្រៀបដូចជាព្រះនាង ហើយគ្រងជាមួយនឹងឈុតរ៉ូបស្រស់ស្អាត អមដោយការតុបតែងផ្កាពីក្រោយ រឹតតែរំលេចសម្រស់នាងថែមមួយកម្រិត។

ជាការពិតគ្មានអ្វីរំលងផុតពីភ្នែកមហាជន ពិសេសអ្នកប្រើអ៊ីនធើណិតទេ ព្រោះក្រោយពេលរូបភាពរបស់នាងក្នុងថ្ងៃរៀបការត្រូវបានបែកធ្លាយភ្លាម ចំនួនអ្នកចុចស្វែងរកតម្លៃរបស់រ៉ូបក៏កើនឡើង។ យោងតាមបណ្ដាញផ្សព្វផ្សាយកូរ៉េបានឲ្យដឹងថា រ៉ូបនោះ គឺជាការច្នៃម៉ូដដោយ អ្នកច្នៃម៉ូដល្បីឈ្មោះលំដាប់ពិភពលោក Oscar De La Renta ហើយជាចេញពី Spring 2022 Wedding Collection ទៀតផង។

ដោយឡែក បើផ្អែកតាមសម្ដីអ្នកដែលធ្វើការក្នុងហាងផ្ទាល់បានឲ្យដឹងថា រ៉ូបនេះមានតម្លៃ ១៨ ៧១៣ដុល្លារឯណោះ។

ងាកទៅឈុតរ៉ូបដែលនាងស្លៀកសម្រាប់ថត Pre-Wedding វិញ ក៏ជាឈុតច្នៃចេញពី Oscar De La Renta ដែលស្ថិតក្នុង Collection ដូចគ្នា។ រ៉ូបនេះមានតម្លៃយ៉ាងតិច ១៧ ៦១៦ដុល្លារ។ ។