តារាសម្ដែង និងបង្ហាញម៉ូដ កំពុងមានឈ្មោះបោះសំឡេងទាំងនៅលើឆាកអន្ដរជាតិ និងថ្នាក់ជាតិ រ៉េត សារីតា បានធ្វើឲ្យប្រិយមិត្តគាំទ្រគ្រប់គ្នា ព្រោះតែប្អូនស្រីរបស់នាងនឹងចូលរួមប្រកួតជាបវរកញ្ញានៅពេលខាងមុខនេះ។

តាមរយៈផេក Miss New Generation បានឲ្យដឹងថាជាផ្លូវការថា ប្អូនស្រីបង្កើតរបស់តារាសម្តែងនិងបង្ហាញម៉ូត កញ្ញា រ៉េត សារីតា នឹងដាក់ពាក្យចូលរួមប្រកួតក្នុងកម្មវិធីបវរកញ្ញាចក្រវាលកម្ពុយជាឆ្នាំ២០២២នាពេលខាងមុខនេះ។

អតីត Top6 MGC២០១៦ កញ្ញា រ៉េត ស្រីនាថ បានត្រៀមខ្លួនហ្វឹកហាត់ខ្លួនឯងរយៈពេលយូរដែរមកហើយ ដោយកញ្ញាអាចនិយាយបានរហូតទៅដល់៥ភាសា ក្នុងនោះមានភាសា អង់គ្លេស បារាំង ចិន បាគីស្ថាន និងភាសាខ្មែរ បានយ៉ាងស្ទាត់ជំនាញ ដោយនាងបានបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិរួចរាល់។ សព្វថ្ងៃនេះកញ្ញា កំពុងធ្វើការAmbassador Secretary នៅស្ថានទូតប៉ាគីស្ថានផងដែរ៕