ក្ដៅៗ តារារ៉េបដ៏ល្បី Ricky Rick ចងកសម្លាប់ខ្លួនទំនងជាស្ត្រេសដល់កម្រិត ទុកកូនតូច ២នាក់ឲ្យនៅកំព្រា

2022-02-24 07:22:32
ព័ត៌មាន

2022-02-24 07:22:32
ចំនួនមតិ 0 | ចំនួនចែករំលែក 0

ចន្លោះមិនឃើញ

មានសេចក្ដីរាយការណ៍មកថា តារារ៉េបអាហ្វ្រិក Ricky Rick បានទទួលមរណភាពហើយនៅអាយុ ៣៤ឆ្នាំ ហើយដំណឹងនេះបង្កជាការតក់ស្លុកខ្លាំងបំផុត។

ផ្អែកតាមបណ្ដាញសារព័ត៌មានបានបញ្ជាក់ថា Ricky Rick ត្រូវបានគេប្រទះឃើញថាបានធ្វើអត្តឃាត ដោយចងកខ្លួនឯងនៅផ្ទះ កាលពីព្រឹកព្រលឹម ថ្ងៃទិ២៣ ខែកុម្ភៈ (ម៉ោងក្នុងតំបន់)។ គ្រប់គ្នាបានព្យាយាមជួយសង្គ្រោះដែរ ប៉ុន្តែគួរឲ្យស្ដាយ លោកបានផុតដង្ហើមទៅហើយ ពេលដឹកទៅមន្ទីរពេទ្យ។ មិត្តភ័ក្ត និងក្រុមគ្រួសារមិនចង់ជឿទេ ថាតារារ៉េបរូបនេះដាច់ចិត្តឃ្លាតពីលោកនេះក្នុងពេលដ៏លឿនបែបនេះ។

អ្វីដែលគួរឲ្យចាប់អារម្មណ៍គឺនៅប៉ុន្មានម៉ោងមុនលោកធ្វើអត្តឃាត  Ricky Rick បានបន្សល់ទុកនូវសារដែលបង្ហោះលើ Twitter ដោយបានសរសេរថា៖ «ខ្ញុំនឹងក្លាយជាបុរសខ្លាំងជាថ្មី ទឹកដីនេះនៅតែជាផ្ទះរបស់ខ្ញុំ»។ ឃើញហើយមហាជនកាន់តែក្តុកក្តួល ដោយសារនេះគឺជាសារបែបលើកទឹកចិត្តក្នុងន័យវិជ្ជមាន តែលោកតែបែរជាគិតខ្លីទៅវិញ។

ទាក់ទងនឹងមូលហេតុពីក្រោយការស្លាប់វិញគឺ មិនទាន់មានការបញ្ជាក់ ឬដឹងច្បាស់នៅឡើយទេ ប៉ុន្តែប្រភពភាគច្រើនបាននិយាយថា មុនឈានដល់សម្លាប់ខ្លួន តារារ៉េបរូបនេះ បានរងវិបត្តិដោយសារសម្ពាធផ្លូវចិត្ត។ ដូចកាលពីធ្វើបទសម្ភាសកាលពីឆ្នាំ ២០២០ Ricky Rick បាននិយាយថាខ្លួនមានជំងឺបាក់ទឹកចិត្ត និងតែងមានការតឹងតែងខ្លាំងឡើង ក្រោយមរណភាពឪពុក។

មិនចប់ត្រឹមនេះទេ មានករណីគ្រោះថ្នាក់ចរាចរណ៍ លោកត្រូវបាត់បង់មិត្តល្អ ២នាក់ទៀត ជាហេតុលោកកាន់តែពិបាកចិត្ត។

Riky Rick កើតនៅឆ្នាំ ១៩៨៧ គឺជាតារាចម្រៀងរ៉េបដ៏ល្បីល្បាញ ហើយក៏ជាស្ថាបនិកនៃមហោស្រពតន្ត្រី Hip-Hop ”Cotton Fest 2019"។ ដូចដែលបានរំពឹងទុក ព្រឹត្តិការណ៍នេះនឹងប្រារព្ធឡើងនៅថ្ងៃទី ១៩និង២០ ខែមីនា ប៉ុន្តែរឿងដែលគ្មាននរណាម្នាក់ស្មានដល់គឺ Riky ចាកចេញទៅមុនលឿនបេកហើយ។ យ៉ាងណាមិញ មុនពេលស្លាប់ តារារ៉េបប្រុសរូបនេះបានរៀបការ និងមានកូនតូចៗចំនួន ២នាក់។៕

ប្រភព៖ Kenh14